Nur-Sultan qalasynyń ákimi Altaı Kólginov COVID-19-ben kúresýge arnalǵan STEM olımpıadasynda ázirlengen mektep oqýshylarynyń jobalarymen tanysty. Bul týraly ol Instagram paraqshasynda bólisti.
«Pandemııa sıfrlandyrý men IT-tehnologııalardy damytýǵa erekshe nazar aýdarý qajet ekenin kórsetti. Búgin STEM olımpıadasynda oqýshylardy tyńdadym. Taqyryp koronavırýspen kúresýge arnalǵan jobalarǵa arnaldy. Oqýshylar óz jobalaryn tanystyrdy.
Mysaly, adamdar suraqtarǵa jaýap bere otyryp, ınfeksııany juqtyrý % - in jáne emdeýdiń kelesi qadamdaryn kóre alatyn saı̆t; temperatýrany bekitýge arnalǵan bilezik; turǵyndardyń kirýin/shyǵýyn tirkeı̆tin jáne antıseptıkterdi qoldaný qajettiligi týraly sıgnal beretin robot jáne t. b.
Elordalyq STEM olımpıadasynyń jeńimpazdary baǵaly syı̆lyqtarmen marapattalyp, Respýblıkalyq olımpıadaǵa joldama aldy. Sáttilik pen tabys tileı̆min!», – dep jazdy Altaı Kólginov.