Keshe Ortalyq saılaý komıssııasynda «Saılaýdy otandyq jáne halyqaralyq baıqaýdaǵy adam men azamattyń saılaý quqyǵy» atty semınar-trenıng bolyp ótti. Onyń jumysyna elordadaǵy EQYU Ortalyǵynyń, elimizdegi EO О́kildiginiń, BUU DB-nyń, ortalyq memlekettik organdary men ózge de úkimettik emes uıymdardyń ókilderi qatysty.
Keshe Ortalyq saılaý komıssııasynda «Saılaýdy otandyq jáne halyqaralyq baıqaýdaǵy adam men azamattyń saılaý quqyǵy» atty semınar-trenıng bolyp ótti. Onyń jumysyna elordadaǵy EQYU Ortalyǵynyń, elimizdegi EO О́kildiginiń, BUU DB-nyń, ortalyq memlekettik organdary men ózge de úkimettik emes uıymdardyń ókilderi qatysty.
Semınarǵa qatysýshylar aldynda Ortalyq saılaý komıssııasy tóraǵasynyń orynbasary Vladımır Foos pen Astanadaǵy EQYU Ortalyǵynyń basshysy Jannet Kletser sóz sóıledi. OSK tóraǵasynyń orynbasary óz sózinde oıyn bylaısha tarqatty: «О́zderińiz biletindeı memleketterdiń saılaý júıeleri bir-birine uqsamaıdy, oǵan qaramastan memleketter azamattardyń saılaý quqyn qamtamasyz etýde birdeı jaýapty». Ol bul rette baıqaýshylar retinde, saılaýdy ótkizýdiń tehnıkalyq aspektilerimen ǵana shektelip qoımaı, azamattardyń saılaý quqyǵynyń saqtalýyna kóńil bólýdiń mańyzdylyǵyna erekshe toqtaldy.
Ortalyq saılaý komıssııasynyń múshesi Marat Sársembaevtyń sózinen belgili bolǵandaı, bıyl Grýzııa, Ázerbaıjan, Armenııa, Mońǵolııa jáne Albanııada ótken saılaý naýqandaryna qazaqstandyq baıqaýshylar jiberilipti. Jalpy, 2005 jyldan bastap bıylǵa deıin 225 qazaqstandyq 47 saılaý naýqanyna baıqaýshy retinde qatysqan. Is-shara sońynan elimiz atynan EQYU/DIAQB mıssııasynyń quramynda baıqaýshylardyń qatysý tájirıbesin odan ári jetildirý, saılaý prosesin demokratııalandyrý jáne Qazaqstan bedelin nyǵaıtý máseleleri jan-jaqty sóz boldy.
Asqar TURAPBAIULY,
«Egemen Qazaqstan».