Túrkistan oblysy Saıram aýdanynyń turǵyndaryn sapaly aýyz sýmen qamtamasyz etý maqsatynda bıyl 4 eldi mekenniń tozyǵy jetken aýyz sý júıeleri ortasha jóndeýden ótkizilgen. Nátıjesinde aýdannyń 42 eldi mekeni 100% ortalyqtandyrylǵan aýyz sýmen qamtyldy, dep habarlaıdy Egemen.kz.
Aýdan ákimi Ulasbek Sádibekovtiń dereginshe, 12 eldi mekende tabıǵı gaz júıeleriniń qurylys jumystary aıaqtalǵan. Iаǵnı 27 164 turǵyn tabıǵı gazben qamtylady. Qazirgi tańda 5 eldi mekenge gaz berý jumystary júrgizilýde.
Sonymen qatar, bıyl avtomobıl joldaryn damytýǵa respýblıkalyq, oblystyq jáne jergilikti bıýdjetten qarjy qaralyp, 45 jolǵa, ıaǵnı 89,9 shaqyrymǵa jóndeý jumystary júrgizilip, asfalt tóseldi. Oblystyq mańyzy bar «KH-3- Kóksáıek - Shaıan - Aqqala - Sarqyrama» jolynyń 5 shaqyrymy jóndeýden ótti. Nysan 2021 jylǵa ótpeli. Jyl qorytyndysymen jalpy paıdalanymdaǵy joldardyń qanaǵatty jaǵdaıdaǵy úlesin 52,7%-dan 59,4%-ǵa deıin arttyrý kózdelýde.