Buǵan deıin tórt aýdanda «ashyq ákimdik» ashylǵan edi. Endi osyndaı besinshi «ashyq ákimdik» keńsesi Qyzylqoǵa aýdanynda ashyldy, dep habarlaıdy Egemen.kz.
Sybaılas jemqorlyqqa qarsy is-qımyl agenttiginiń Atyraý oblysy boıynsha departamenti basshysynyń birinshi orynbasary Aıdos Mamyttyń aıtýyna qaraǵanda, «ashyq ákimdik» – Open space rejıminde jumys isteıtin arnaıy joba.
«Memleket basshysynyń tapsyrmasy – memlekettik qyzmettiń sapasyn jaqsartyp, halyqtyń sıfrly saýattylyǵyn arttyrý. Sondaı-aq, sybaılas jemqorlyqqa jol bermeý maqsatyn kózdeıtin bul joba aýdan turǵyndaryna qolaıly bolady. Sol sebepten, «ashyq ákimdik» memlekettik qyzmet kórsetetin mekemelerdi bir jerge shoǵyrlandyryp, azamattarǵa qolaıly jaǵdaı jasaýmen erekshelenedi. Joba eń áýeli turǵyndar ıgiligine qyzmet etýdi kózdeıdi. Jergilikti atqarýshy bıliktiń ókilderi turǵyndarǵa qajetti qyzmet túrlerin bir jerden kórsetedi. Budan bylaı ýaqyty tyǵyz, jumysy qaýyrt jandar ár bólimdi izdep, kez-kelgenniń tabaldyryǵyn tozdyrmaıdy» deıdi Aıdos Mamyt.