Junior Eurovision XVIII án baıqaýynda el namysyn qorǵaǵan Qaraqat Bashanova 2-orynǵa ıe boldy. Jas talant óner dodasynda Forever ánin shyrqaǵan edi.
Al Fransııanyń atynan qatysqan Valentınaǵa birinshi oryn buıyrsa, úshinshi oryndy ıspanııalyq Solea ıelendi. 2020 jylǵy Junior Eurovision baıqaýyna Belarýs, Fransııa, Grýzııa, Qazaqstan, Malta, Nıderland, Reseı, Serbııa, Ispanııa, Ýkraına, Polsha jáne Germanııa elderinen ónerpazdar qatysty.
Junior Eurovision XVIII án baıqaýynyń jeńimpazy qazylar alqasynyń daýys berýimen jáne onlaın-daýys berý arqyly anyqtaldy. Daýys berý júıesi dástúrli negizde: 50% qazylar alqasynyń sheshimi jáne 50% onlaın-daýys berý nátıjesine baılanysty.
Qazaqstan Junior Eurovision án baıqaýyna alǵash ret 2018 jyly qatysqan edi. Onda Danelııa Tóleshova «О́zińe sen» ánimen altynshy orynǵa ıe boldy. Al 2019 jyly Erjan Maksım «Armanyńnan qalma» ánimen ekinshi oryndy (qazylar alqasynyń sheshimi boıynsha birinshi) ıelendi. Bul joly «Habar» agenttiginiń Eýropalyq habar taratý odaǵynyń (EBU) qaýymdasqan múshesi bolýynyń arqasynda el ónerpazdary halyqaralyq baıqaýda úshinshi ret baǵyn synady.
Eske sala keteıik, 26 qyrkúıekte ótken ulttyq irikteý fınalyna elimizdiń túkpir-túkpirinen on eki bala qatysqan edi. Olardyń arasynda Almaty oblysynyń Rysqulov aýylynan kelgen Qaraqat Bashanova jeńiske jetti.