“Nur Otan” partııasynyń kóshbasshylyq qyzmetin jandandyrýdyń negizi bastaýysh partııa uıymdary jumysyn ártaraptandyryp, is júıesin qalyptastyrý bolyp tabylady. Bul boıynsha partııa irgetasy sanalatyn bastaýysh uıymdardy qoldaýdyń tıimdiligi kóp. “Nur Otan” HDP Qyzylorda oblystyq fılıalynyń uıymdastyrýymen ótken bastaýysh partııa uıymdary tóraǵalarynyń aımaqtyq forýmynda osy tıimdilik taǵy bir qyrynan aıǵaqtaldy.
Forým jumysy eki baǵytta júrdi. Alǵashqysy “Rempassajırvagon” JShS-niń vagon qurastyrý sehynda jumysshylarmen júzdesýden bastaldy. Joldaý jaýapkershiligi men onyń maqsattary týraly keń kólemdi áńgime boldy. 500-deı jumysshy qatysqan júzdesýde partııanyń oblystyq fılıaly tóraǵasynyń birinshi orynbasary О́lmeshan Bolatbekov, temir ustasy Nurbek Meıirmanov, slesar Ashat Toǵyzbaev, seriktestik dırektorynyń orynbasary Baqbergen Dáýrenbekov oı-pikirlerin ortaǵa saldy.
Al, Qorqyt ata atyndaǵy memlekettik ýnıversıtet bazasynda “Bastaýysh partııa uıymdarynyń saıası-qoǵamdyq jumystarynyń negizgi baǵyttary men úkimettik emes uıymdarmen birigip jumystar júrgizýdi jaqsartý joldary”, “Bastaýysh partııa uıymdarynyń elimizdiń ındýstrııalyq-ınnovasııalyq damý baǵdarlamasyn júzege asyrýdaǵy róli men mindetteri” taqyryptarynda eki seksııalyq jumys júrgizildi.
Munan keıin plenarlyq májilis bastaldy. Ony partııanyń oblystyq fılıalynyń tóraǵasy Nurlan Qubaıbergenov júrgizip otyrdy. Májiliste baıandama jasaǵandar seksııalyq jumystyń mánin, bastaýysh partııa uıymdarynyń rólin arttyrý men ımıdjin kóterý jaıyn sóz etti. Sondaı-aq, forýmnyń jeti usynysy qabyldandy.
Buǵan deıin “Eń úzdik bastaýysh partııa uıymy” baıqaýy ótkizilgen bolatyn. Baıqaý jeńimpazdary alqaly jıyn barysynda baǵaly syılyqtar aldy.
Tústen keıin forýmǵa qatysýshylar ózara tájirıbe almasty jáne úlgili uıymdar jumysymen tanysty.
Erkin ÁBIL, Qyzylorda.