Túrikmenstan prezıdenti Gýrbangýly Berdimuhamedov Ashhabadtan 100 shaqyrym jerde ornalasqan esirtki jaǵatyn jańa keshendi ashty, dep habarlaıdy Egemen.kz
El prezıdentine "keshende úsh zamanaýı ashyq jáne jabyq pesh, sondaı-aq adam densaýlyǵy men ekologııaǵa qaýipsiz jáne tıimdi, ozyq tehnologııalar ornatylǵany" týraly habarlanǵan.
Esirtki salynǵan qaptardy Berdimuhamedovtiń ózi peshke salyp órtedi."Memleket basshysy kontrabanda taýarynyń birneshe qabyn peshke salyp órtedi. Pesh halyqaralyq normalarǵa sáıkes jáne esirtki zattaryn órtep, túgel joıady. Jınalǵan azamattar ult basshysynan úlgi alyp, esirtki jáne psıhotrop zattardy órtedi. 122,5 kelige jýyq esirtki joıyldy", delingen agenttik habarlamasynda.