QR QM Qarjy monıtorıngi komıtetiniń Shymkent qalasy boıynsha Ekonomıkalyq tergeý departamenti jalǵan dollardy ótkizý deregin anyqtady, dep habarlaıdy Egemen.kz QM QMK baspasóz qyzmetine silteme jasap.
Atap aıtqanda, Shymkent q. azyq-túlik dúkenderiniń birinde qala turǵyny somasy 2 200 teńgege saýda jasap, 100 AQSh dollaryn tómen baǵada qabyldaýdy suraǵan.
Dúken satýshysy atalǵan aqsha banknotasyn 35 000 teńge retinde qabyldap, 32 800 teńge qalǵan aqshasyn qaıtarǵan. Aqsha aıyrbastaý pýnktine barǵan kezde 100 AQSh dollarynyń jalǵan aqsha ekendigi anyqtalǵan.
Shymkent qalasy Ál-Farabı aýdandyq sotynyń úkimine sáıkes qala turǵyny QR QK-niń 231-babymen (jalǵan aqsha nemese baǵaly qaǵazdar jasaý, saqtaý, alyp ótý nemese ótkizý) qarastyrylǵan qylmysty jasaǵany úshin kináli dep tanylyp, oǵan 1 jylǵa bas bostandyǵynan aıyrý jazasy taǵaıyndaldy.