Búgin Almatyda Táýelsizdik kúnine oraı BAQ arasynda ótken baıqaý qorytyndysy shyǵaryldy. Qala ákiminiń orynbasary Erjan Babaqumarov megapolıstiń tynys-tirshiliginiń áleýmettik mańyzdy máselelerin jarııalaýǵa belsendi qatysqan jýrnalısterdi marapattady, dep habarlaıdy Egemen.kz.
Baıqaýǵa qatysý úshin BAQ-tan barlyǵy 116 ótinim kelip tústi. Táýelsiz saraptama komıssııasy taldaý qorytyndysy boıynsha úzdik jumystardyń 22 avtoryn marapattady. Osy rásimi barysynda Almaty qalasy ákiminiń orynbasary Erjan Babaqumarov jýrnalıster jumysynyń mańyzdylyǵyn atap ótip, megapolıs ákimshiliginiń koronavırýstyq pandemııamen kúreste qabyldaǵan sharalaryna erekshe nazar aýdarǵany úshin zor alǵys bildirdi.
– Búgin kúni BAQ-tyń atqaratyn róli aıryqsha. Sizder qajyrly eńbekterińiz ben belsendi ustanymdaryńyz arqyly qala turǵyndaryna almatylyq yntymaqtastyqtyń qundylyqtaryn túsindirip, jeke ózderin qorǵaý men qoǵamdyq densaýlyq deńgeıin arttyrýǵa aıtarlyqtaı yqpal ettińizder. Qala turǵyndarynyń pandemııany qalaı qabyldaıtyny, epıdemııalyq talaptardy saqtaýǵa qanshalyqty sabyrly ári jaýapkershilikpen qaraıtyny sizdermen birlesken jumysymyzǵa tikeleı baılanysty boldy. Sizderdiń árqaısyńyz qala ómiriniń áleýmettik mańyzdy máseleleri týraly aqparatty BAQ-ta der kezinde jarııalap, pandemııaǵa qarsy ortaq kúreske qomaqty úles qostyńyzdar – dep atap ótti E.Babaqumarov.
Aıta ketý kerek, jyl basynan beri Almaty ákimdigi 330 baspasóz konferensııalaryn, brıfıngter men basqa da is-sharalardy ótkizdi, olardyń barysynda spıkerler BAQ-nyń 3000 suraǵyna jaýap berdi. Almatynyń aqparattyq keńistiginde barlyǵy 23 myńnan astam materıal jarııalandy, efırge 1500-ge jýyq telesıýjet shyqty. Aıta keterligi, 17 myń materıal koronavırýstyq ınfeksııanyń taralýyna jol bermeý sharalaryna arnaldy.
Táýelsiz baıqaý komıssııasynyń músheleri BAQ ókilderi atqarǵan jumystardyń barynsha mańyzdy ári óte kúrdeli ekenin erekshe atap ótti.
– Búgin Táýelsizdik kúni qarsańynda aıtýly oqıǵa oryn alýda. Biz jýrnalıstıkanyń basty qaǵıdattary bolyp tabylatyn ádildik pen ashyqtyqty qaıta jańǵyrtýdmyz. Táýelsiz Qazaqstannyń jýrnalısteri elimizdiń damýyna orasan úles qosýda. Al, Almaty – Táýelsizdigimizdiń altyn besigi. Qazaqstan jýrnalısterin osynaý arý qalada bilim aldy, shyńdaldy, jýrnalıstıkanyń qyr-syryn meńgerdi. Jýrnalıster qaýymy damý ústinde, búgingi ómir talaptaryna saı áleýmettik jeliler, blogerler paıda bolýda, – - deıd professor, t.ǵ.d., akademık, Jýrnalıstıka Akademııasynyń prezıdenti Saǵymbaı Qozybaev.
Baıqaý komıssııasynyń quramyna qoǵamdyq jáne azamattyq qaıratker, Almaty qalasy Qoǵamdyq keńesiniń múshesi Sergeı Ponomarev, «Turan» ýnıversıteti jýrnalıstıka kafedrasynyń dosenti, «Mádenıet qaıratkeri» ıegeri, QR Jýrnalıster Odaǵy syılyǵynyń laýreaty, Dostastyq elderi halyqaralyq syılyǵynyń laýreaty Sáýle Tastúlekova, jýrnalıst, kópshilik aldynda sóz sóıleý jáne Sheshendik sheberlik trenıngteriniń avtory, Jýrnalıster Odaǵy syılyǵynyń laýreaty, bloger Polına Shımanskaıa, «PR-shy» klýbynyń vıse-prezıdenti Aıbar Oljaev, MediaNetwork Kazakhstan atqarýshy dırektory, medıa trener Baqtygúl Býrbaeva jáne taǵy basqalary kirdi.
Jeńimpazdar myna atalymdar boıynsha anyqtaldy:
Úzdik sıýjet
Laýra Bıǵalıeva, «31 arna» – «Almatyda jańa 300 oryndyq balalar aýrýhanasy ashyldy»; Ramına Mırzalımova, «Almaty» telearnasy - «Ostorojno, koronavırýs! Jýrnalısty popalı v «grıaznýıý» zoný ınfeksıonnoı bolnısy Almaty».Úzdik jańalyqtar
Ámirbolat Qusaıyn, «Azattyq Rýhy» – «Kárilik te, múgedektik te kásip ashýǵa kedergi emes»; Inna Býgaeva, «inAlmaty.kz» – «V gorah Almaty nachalı oporojnıat seleopasnye ozera».Úzdik suhbat
Aınash Esaly, «Egemen Qazaqstan» – «Almaty – «jasyl» jáne «sary» aımaqtar arasynda»; Serikjan Máýletbaı, «Informburo.kz» – «Kak býdýt vosstanavlıvat ekonomıký Almaty? Glavnoe ız ıntervıý Bakytjana Sagıntaeva».Úzdik analıtıkalyq maqala
Toqtar Jaqash, «Jas Alash» – «Almatynyń máselesin sheshýge ákim Saǵyntaevtyń áli jete me?»; Aıgerim Ábilmijitova, «Tengrinews.kz» – «Ih nelzıa sravnıvat, no ochen hochetsıa: Almaty ı Nýr-Sýltan».Úzdik derekti materıal»
Gúlnár Tajıeva, «Aiqyn» – «Jataqhanalarǵa monıtorıng jasaldy»; Olga Tonkonog-Dáribaeva, «Sputnik Kazahstan» – «Vse zvezdy kıno v Alma-Ate. Kak jıl «Gollıvýd na granıse Kıtaıa» v voennye gody».Úzdik fotoreportaj
Sársenbek Qyzaıbekuly, «Nege.kz» – «Fotoreportaj. Halyq daıyn ba?»; Petr Karandashov, «Nur.kz» – «Kak vyglıadıt Voznesenskıı sobor posle trehletneı restavrasıı v Almaty».«Áleýmettik jelilerdegi úzdik jarııalanym
Qaıym-Munar Tabeev, «Almaty aqshamy» – «Almatynyń aıshyqty qadamdary».Arnaıy nomınasııa — «Qalanyń COVID-19-ǵa qarsy kúresi týraly úzdik materıaly
Almas Sadýaqas, «Habar 24» arnasy – «Otandyq ǵalymdar koronavırýsqa qarsy úshinshi balamaly vaksınany jasady»; Lıýdmıla Makarenko, «Kazahstanskaıa pravda» – «Kartına v dnı karantına».
Sonymen qatar arnaıy syılyqtarmen Almaty qalasyn damytý taqyrybyn jarııalaýǵa belsendi qatysqany úshin Albert Ahmetov («Zakon.kz»), Danııar Daýtalıev («Kazınform»), Marııam Bıjıkeeva («Kapital.kz», Ekaterına Tıhonova («Vremıa»), Gúlvıra Bıǵalıeva («Kýrsıv»), Bekzada Ishekenova («LS Aqparat») jáne Iýlııa Abramova, («NUR.kz») syndy birqatar jýrnalısterdiń qosqan úlesi eskerildi.