Sybaılas jemqorlyqqa qarsy is-qımyl agenttigi tóraǵasynyń birinshi orynbasary Oljas Bektenov 9 jeltoqsanda atap ótiletin Dúnıejúzilik sybaılas jemqorlyqqa qarsy kúres kúnine oraı О́zbekstannyń sybaılas jemqorlyqqa qarsy vedomstvosy uıymdastyrǵan halyqaralyq konferensııaǵa qatysty.
О́z cózinde ol sybaılas jemqorlyqqa qarsy pármendi is-qımyl jasaý úshin ashyqtyqty, memlekettik apparattyń eseptiligin jáne qoǵamdyq qatysýdy arttyrý qajettigin atap ótti.Oljas Bektenov memlekettik qyzmet sapasyn arttyrýda jáne turmystyq sybaılas jemqorlyqty tómendetýde sıfrlyq sheshimderdi tıimdi qoldanýdyń birqatar mysaldaryn keltirdi.Birqatar memlekettik qyzmetterdi, lısenzııalaýdy, sot isin júrgizýdi, kedendik jáne salyqtyq ákimshilendirýdi «elektrondyq jolǵa» aýystyrý mańyzdy qadam boldy.Áleýmettik qyzmet kórsetý barysynda jemqorlyq kórinisterin azaıtý turǵysynda attas portal, «Damýmed» mobıldik qosymshasy jáne zeınetaqy men járdemaqy taǵaıyndaýmen baılanysty úderisterdi sıfrlandyrý atap ótildi.Jemqorlyqtyń aldyn alýdyń taǵy bir mańyzdy aspektisi – qoǵamdyq qatysý men baqylaý quraldaryn keńeıtý.Bul baǵytta «Adaldyq alańy» jáne «Ashyq bıýdjet» jobalarynyń, arnaıy monıtorıngtik toptardyń, qoǵamdyq baqylaýdyń ınteraktıvti kartasynyń tájirıbesi tabysty.Konferensııaǵa qatysýshylar qabyldanyp jatqan sharalardyń mańyzdylyǵyn atap ótip, Qazaqstannyń tusaýkeserine oń baǵa berdi.