Shymkent qalasynda turǵyndardy baspanamen qamtý maqsatynda turǵyn úı qurylysy qarqyndy júrip jatyr. Búginde shaharda alańy 1 mln sharshy metrden astam 14 224 páterli 262 kóp qabatty turǵyn úılerdiń qurylysy salynýda. Onyń ishinde, jeke kásipkerler esebinen 6 147 páterli 126 kópqabatty turǵyn úı de bar. Bul jóninde Shymkent qalasynyń ákimi Murat Áıtenov Memleket basshysy Joldaýynyń oryndalýy jóninde ótkizgen baspasóz brıfıngte baıandady, dep habarlaıdy Egemen.kz.
"Prezıdent Joldaýynda azamattardyń áleýmettik ál-aýqaty, eń aldymen baspana máselesine tikeleı baılanysty ekenin aıtqan bolatyn. Osy oraıda Shymkent qalasynda baspanamen qamtý úshin turǵyn úı qurylysyna nazar aýdaryp otyrmyz. Bıýdjet esebinen 8077 páterli 136 kópqabatty turǵyn úılerdiń qurylysy júrgizilýde. Jyl sońyna deıin 280 páterli 5 arendalyq, 4 461 páterli 77 kredıttik turǵyn úıdi paıdalanýǵa berý josparlanǵan", - dedi M.Áıtenov.
Murat Dúısenbekulynyń sózinshe bıyl qalada qurylys jumysy boıynsha jaqsy kórsetkishke qol jetkizgen. 10 aıda 90,6 mlrd teńgege qurylys jumysy júrgizilip, ótken jyldyń osy kezeńimen salystyrǵanda 164,2 paıyzǵa jetken.