Shymkent qalasynda Memleket basshysynyń «Halyq únine qulaq asatyn memleket» tujyrymdamasy boıynsha aýqymdy jumystar júzege asyrylǵan. Qalada 165 memlekettik qyzmet kórsetiletin bolsa, sonyń 88 paıyzyn elektrondy túrde alýǵa bolady. Osy jyldyń aıaǵyna deıin bul kórsetkish 95 paıyzǵa deıin jetkizý josparlanǵan. Prezıdenttiń Joldaýyn iske asyrý barysy týraly Nur-Sultan qalasynda ótken baspasóz brıfıngte Shymkent qalasynyń ákimi Murat Áıtenov málimdedi, dep habarlaıdy Egemen.kz.
"Bıýdjetti josparlaýda ashyqtyqty qamtamasyz etý úshin keler jyldan bastap qaladaǵy 4 aýdan ákimdigi tarapynan «Halyq qatysatyn bıýdjet» jobasy engizildi. Qalanyń kez kelgen turǵyny «elektrondyq úkimettiń» veb-portalyna kirip, óz usynystaryn qaldyryp, keri jaýap alý múmkindigi jasalǵan", - dedi M.Áıtenov.
Sondaı-aq memlekettik-jekeshelik áriptestik aıasynda 200 úlken kósheniń boıynda jáne 120 kóshe qıylysyna «Sergek» kameralaryn ornatý josparlanyp otyrǵanyn jetkizdi.