Elbasy qory ádebıetti qoldaý maqsatynda uıymdastyratyn «Altyn tobylǵy» baıqaýynyń jeńimpazdary anyqtaldy. Oǵan túrli janrda qalam terbep júrgen 18 ben 35 jas aralyǵyndaǵy qalamgerler qatysqan edi.
Tuńǵysh Prezıdent – Elbasy Qory jas ádebıetshilerdiń eńbegine osymen altynshy ret qoldaý kórsetip otyr. Baıqaýǵa degen qyzyǵýshylyq jyldan-jylǵa artyp keledi.
Ádebı baıqaýdyń qorytyndysy boıynsha «Jyldyń úzdik prozasy» – Baqytbek Qadyr (Túrkistan gazetiniń tilshisi, Nur-Sultan qalasy), «Jyldyń úzdik poezııasy» – Jánibek Álıman (Qaraǵandy), «Jyldyń úzdik dramatýrgııasy» – Qolǵanat Murat (Almaty), «Jyldyń balalarǵa arnalǵan úzdik shyǵarmasy» – Hamıt Esaman (Taraz qalasy), «Abaıdyń 175 jyldyǵyna arnalǵan úzdik ádebı týyndy» – Umtyl Zaryqqan (Nur-Sultan qalasy), Baǵashar Tursynbaıuly (Almaty) úzdik dep tanyldy.
Sondaı-aq ár nomınasııanyń jeńimpazyna «Altyn Tobylǵy» ádebı syılyǵynyń laýreaty ataǵy jáne 2 mıllıon teńge mólsherinde aqshalaı syılyq berildi. Al arnaıy nomınasııanyń jeńimpazdaryna 1,5 mıllıon teńge kóleminde sertıfıkat tabys etildi.
Aıta keteıik, Tuńǵysh Prezıdenti – Elbasy Qorynyń bul jobasy qazirgi zaman ádebıetine qyzyǵýshylyqty arttyryp, jastardyń shyǵarmashylyǵyn shyńdaýǵa baǵyttalǵan.