Qurlyqtyq hokkeı lıgasynyń (QHL) kezekti týr oıynyn Nur-Sultannyń «Barysy» óz muz aıdynynda Podolskiniń «Vıtıaz» klýbymen sheberlik baıqasty.
«Barys» úshin bul báseke sátsiz bastaldy. Kezdesýdiń 4-mınýtynda Lınýs Hýltstrem esep ashsa, úzilisten keıin Kaspars Daýgavınsh ekinshi shaıbany qaqpaǵa engizdi. Elordalyq hokkeıshiler tek ekinshi kezeńniń sońynda ǵana esep aıyrmashylyǵyn qysqarta aldy. 39-mınýtta Mett Frettın nysanany dál kózdese, úshinshi kezeńniń úshinshi mınýtynda Nıkıta Mıhaılıstiń kremet pasynan keıin Roman Starchenko tarazy basyn teńestirdi – 2:2. Bul esep matchtyń sońyna deıin saqtaldy. Overtaımda qos komanda bir-biriniń osal tusyn taba almady. Al býllıt soǵý barysynda «Barystyń» baǵy jandy – 3:2.
Osy kúnge deıin 30 kezdesý ótkizgen «Barystyń» enshisinde 33 upaı bar. Olar turaqty birinshiliktiń jarys kestesinde 18 oryndap tur. О́ziniń kelesi kezdesýin elordalyq klýb 11 jeltoqsanda Tómengi Novgorodtyń «Torpedosyna» qarsy ótkizedi.