Fýtboldan 2021 jylǵy klýbtyq álem chempıonatynyń jalaýy Japonııada jelbireıdi. Bul aqparat FIFA-nyń resmı saıtynda jarııalandy, - dep habarlaıdy Egemen.kz
Kelesi jyldyń ekinshi jartysynda ótetin aıtýly dop dodasynda ádettegideı jeti klýb kúsh synasady. Al odan keıin jarystyń formaty ózgeredi. Atap aıtsaq, tórt jylda bir márte uıymdastyrylatyn básekede 24 komanda óner kórsetedi. Onyń tórteýi sońǵy tórt jylda Chempıondar lıgasy men Eýropa lıgasyn utqan ujymdar. Sondaı-aq, qatysýshylar qatary birqatar elderdiń ishki birinshilikterinde top jarǵan klýbtarmen tolyǵady. Bul básekeler Qytaıda ótedi.
Esterińizge sala keteıik, Madrıdtiń «Realy» klýbtyq álem chempıonatyń bas júldesin eń kóp oljalaǵan komanda. Koroldik klýb tórt ret teńdessiz dep tanyldy. Katalonııanyń «Barselonasy» úsh márte qarsylas shaq keltirmese, eki ret Brazılııanyń «Korıntınasy» ozdy. Al byltyr ótken jarysta Anglııanyń «Lıverpýl» klýby aldyna jan salmady.