Qyzylorda oblysynda kıik atqan azamat ustaldy, – dep habarlaıdy Polisia.kz.
Keń dalanyń kıesi atanǵan kıikterdi aıaýsyz atý derekteri tyıylmaı tur. Qaskóıler quryp ketýge jaqyn turǵan kıikterdi atyp, bas paıdasyna jaratyp, ońaı olja izdeıdi. Jýyrda Syr óńirinde taǵy bir zańsyz ań aýlaý deregi oryn aldy. Qyzylordalyq polıseıler oblys kóleminde ótip jatqan “Kıik” sharasy barysynda 5 jeltoqsan kúni keshke kúdikti avtokólikti toqtatqan.
Tekserý barysynda kóliktiń júksalǵyshynan atylǵan kıik tabyldy. Qazirgi tańda kúdiktige qatysty Qazaqstan Respýblıkasy Qylmystyq kodeksiniń 339-babynyń 2-bóligimen (О́simdikterdiń nemese janýarlardyń sırek kezdesetin jáne quryp ketý qaýpi tóngen, sondaı-aq paıdalanýǵa tyıym salynǵan túrlerimen, olardyń bólikterimen nemese derıvattarymen zańsyz aınalysý) sotqa deıingi tergep-tekserý amaldary bastaldy. Qajetti saraptamalar taǵaıyndaldy.