Jartylaı aýyr salmaqta kúsh synasyp júrgen 25 jastaǵy qazaqstandyq kásipqoı boksshy Álı Ahmedov taıaý kúnderi álem chempıony ataǵyn úshin talasady, dep habarlaıdy Egemen.kz
18 jeltoqsanda AQSh-tyń Florıda shtatynyń Hollıvýd qalasynda ótetin aıtýly jarysta jerlesimiz Karlos Gongoramen kúsh synasady.
31 jastaǵy Ekvadordyń ókili kezinde áýesqoılar arasynda da táýir judyryqtasqan. Eki ret Panamerıka oıyndarynyń qola júldegeri atandy. Beıjiń jáne London Olımpıadalaryna qatysty. Tumandy Albıon elinde ol bizdiń Ádilbek Nııazymbetovke jol berdi. 2009 jyly Mılanda uıymdastyrylǵan álem chempıonatynda shırek fınalǵa deıin jetti. 2015 jyly kásipqoı rıngte aýysyp, sol kezden beri 17 kezdesý ótkizip, barlyǵynda jeńiske jetti. 13 qarsylasyn nokaýtqa jiberdi.
Almaty oblysynyń týmasy Álı Ahmedov Qazaqstan chempıonatynyń qola júldegeri, birqatar halyqaralyq týrnırlerdiń jeńimpazy jáne júldegeri. Kásipqoı rıngke 16 márte kóterilip, barlyǵyn óz paıdasynan sheshti. 12 básekeni merziminen buryn aıaqtady.