"Astana Balet" teatrynyń jeltoqsan aıyndaǵy qoıylymdarynyń afıshasyna qysqy mereke kúnderi dástúrli túrde kórsetiletin spektaklder men konserttik baǵdarlamalar engen, dep habarlaıdy Egemen.kz
12 jeltoqsan, saǵat 18:00 Sergeı Prokofevtyń mýzykasyna qoıylǵan eki kórinisti "Kúlshe qyz" qoıylymy kórermen nazaryna usynylady. Kúlshe qyz ben Hanzada partııasyn jetekshi solıstter Tatıana Ten men Qazbek Ahmedııarov oryndaıdy. Kórermen zalyndaǵy adamdar sany shekteýli bolǵandyqtan, bıletter taýsyldy. Áıtkenmen, "Kúlshe qyz" qoıylymyn qańtar aıynda da tamashalaı alasyz.
16 jeltoqsan, saǵat 18:00 elimizdiń Táýelsizdik kúnine oraı, "Uly Dala murasy" dıvertısmenti kórsetiledi. Merekelik konsert baǵdarlamasy otandyq baletmeısterler qoıǵan ulttyq horeografııanyń ozyq úlgilerinen quralǵan.
Al, jeltoqsannyń 24 men 31 aralyǵynda «Astana Balet» teatry álemge áıgili baletterdiń biri – "Shertkish" (horeografııa Vasılıı Vaınonen) týyndysyn tamashalaýǵa shaqyrady. Spektaklge E.Gofmannyń áıgili nemis ertegisiniń jelisi negizinde A. áke-Dıýma jazǵan qýyrshaq pen tyshqandar patshasy jaıly ertegi alynǵan. Balet dúnıe júzine keń taralyp, jańa jyldyq merekeniń dástúrli sımvolyna aınaldy. Shertkishtiń san-túrli ınterpretasııalary bar, degenmen, Vasılıı Vaınonen nusqasy álemniń kóptegen teatrlarynda qoıylyp keledi. "Astana Balet" teatrynda áıgili baletti RF halyq ártisi Altynaı Asylmuratova sahnalady.
Koronavırýs pandemııasy kezinde óner qaıratkerleri kórermen qaýymmen qaýyshýdyń jańa formalaryn ıgere bastady. Mysaly, Abai TV telearnasynyń efırinen teatr repertýaryndaǵy eki spektakl kórsetildi – Raımondo Rebektiń "О́tkenge saıahat", Rıkardo Amaranteniń "Love Fear Loss" týyndysy, al 28 jeltoqsanda "Astana Balet" teatryndaǵy qazaq bıiniń fenomeni" atty derekti fılmdi kóre alasyz.