Atyraý oblysynyń bas sanıtar dárigeri Amantaı Jumaǵalıevtyń aıtýynsha, Teńiz kenishinde 7 jeltoqsanda karantındik shekteý sharalary kúsheıtilip, eki kompanııa karantınge jabyldy, dep habarlaıdy Egemen.kz
"Sońǵy eki aptada koronavırýstyq ınfeksııa dereginiń 80%-y Teńiz ken ornynyń qyzmetkerlerinen anyqtaldy. Naýqastarmen baılanysta bolǵan jumysshylar oqshaýlandyrylyp, medısınalyq kómek kórsetilýde. О́tken bir táýlikte Teńiz ken ornyndaǵy eki kompanııanyń 42 jumysshysy koronavırýs ınfeksııasyn juqtyrdy. Naýqastardyń 99%-y profılaktıkalyq maqsatta júrgizilgen skrınıngtik tekserýdiń nátıjesinde belgili bolyp otyr. Qazir eki kompanııa karantınge jabyldy", dedi Amantaı Jumaǵalıev.
Al oblystyq densaýlyq saqtaý basqarmasynyń bólim basshysy Nına Ospanova málim etýinshe, atalǵan ken ornyna taǵy da 15 medısına qyzmetkerin jiberýge sheshim qabyldanypty.
"Teńizshevroıldan" ınfeksııalyq stasıonardyń tórtinshi blogynyń ashylatyny týraly hat keldi. Qazir Teńiz ken ornyndaǵy ınfeksııalyq stasıonardyń úsh blogy jumys istep tur. О́tken aptada bul stasıonarǵa 8 medısına mamany jiberildi. Endi taǵy 15 medısına qyzmetkerin jiberý josparlanyp otyr. Onyń ishinde 1 dáriger, 7 meıirbıke, 7 kishi býyn qyzmetkeri bar. Búgingi kúni ken ornyndaǵy ınfeksııalyq stasıonarda 23 medısına mamany qyzmet kórsetedi", deıdi Nına Ospanova.