Almaty qalasynyń bas sanıtar dárigeri Jandarbek Bekshın qalada jańajyldyq erteńgilikter men korporatıvterge tyıym salynǵanyn málimdedi, dep habarlaıdy Egemen.kz
"Koronavırýsqa qatysty jaǵdaı shıelenisip tur, osyǵan baılanysty kásipkerlerge taǵy da aıtarym jańa jyldyq erteńgilikter men korporatıvterge tyıym salynady", dedi J.Bekshın.
Aldyńǵy aqparattarda habarlaǵanymyzdaı Almaty qalasy koronavırýs taralýy boıynsha "sary" aımaqqa oralǵan edi.
Osyǵan sáıkes Densaýlyq saqtaý mınıstrliginiń derekteri boıynsha 8 jeltoqsanda Pavlodar jáne Soltústik Qazaqstan oblystary "qyzyl" aımaqta bolsa, al "sary" aımaqta Shyǵys Qazaqstan, Atyraý, Qostanaı, Aqmola oblystary jáne Nur-Sultan qalasy bar. Qalǵan óńirler "jasyl" aımaqta ornalasqan.