Almaty qalasynyń polıseıleri urlanǵan 130-ǵa jýyq uıaly telefondy ıelerine qaıtardy, – dep habarlaıdy Polisia.kz.
Bul mobıldi qurylǵylar Almaty qalasynyń polıseıleri jeke úılerdiń birinde ótkizgen urlanǵan taýarlardy turaqty satyp alýshylardy ustaý boıynsha arnaıy operasııa kezinde tárkilendi. Eske sala keteıik, arnaıy operasııa barysynda qylmystyq jolmen tabylǵan 464 mobıldi qurylǵy tárkilengen edi.
– Krımınaldyq polısııa qyzmetkerleri arnaıy jasaq sarbazdarynyń kómegimen aǵaıyndy eki azamatty ustady, olar urlanǵan uıaly telefondar men basqa da qondyrǵylardy satyp alyp júrgen. Mundaı qondyrǵylardyń iri partııasy Qyrǵyzstan men О́zbekstanǵa jóneltilýge daıyn bolǵan. Kúdiktilerdiń turǵylyqty jerinde ótkizilgen sanksııalanǵan tintý kezinde 464 smartfon, 1 noýtbýk jáne 4 qol saǵat tabylyp, tárkilendi. Sotqa deıingi tergeý QR QK-niń 196-babynyń 2-bóligi (Kórineý qylmystyq jolmen tabylǵan múlikti ıemdený nemese ótkizý) boıynsha júrgizilýde. Qazirgi ýaqytta osy uıaly telefondardyń ıelerin anyqtaý boıynsha sharalar qabyldanýda, – dedi Polısııa departamenti bastyǵynyń orynbasary Berik Ábilbekov.
Tergeýshiler ıesi anyqtalǵan smartfondardy qaıtarýdy bastady. Keshe Polısııa departamentine uıaly qurylǵylaryn alý úshin shamamen 30 adam keldi.
– Keshki saǵat 7 men 8 arasynda “Altyn Orda” bazarynyń janynda belgisiz er adam jol kórsetýimdi ótinip, qarańǵylyqty paıdalanyp, maǵan jaqyndady. Sol kezde ol meniń kúrteshemniń oń qaltasynan telefonymdy urlap ketti. Men polısııa qyzmetkerlerine úlken rızashylyǵymdy bildiremin. Olardyń jumystary árdaıym osyndaı jemisti bolsyn, – dedi telefony qıtarylǵan zeınetker.
– Al meniń uıaly telefonymdy kólikten urlap ketti. Ony tapqany úshin polısııaǵa rahmet, – dedi taǵy bir turǵyn.
– Telefonymdy taýyp bergen polısııa qyzmetkerlerine rızamyn. Olar tez áreket etti. Men qýanyshtymyn, – dep qorytyndylady urylardyń qurbany bolǵan jergilikti turǵyn.