Bıylǵy jyly álemdi jaılaǵan COVID-19 indetine baılanysty qaýipsizdikti saqtaý maqsatynda, oqýshylarǵa qashyqtan bilim berýge májbúr bolǵanymyz barshaǵa aıan.
Kenetten tap bolǵan bul jaǵdaıda birden oqý-tárbıe isin jalǵastyryp áketý ońaı emes ekeni aıtpasa da túsinikti jaıt. Josparda bekitilgen pán boıynsha sabaqty qashyqtan oqytýǵa bolatyn shyǵar. Buryn oqýshy táýliktiń jartysyna jýyq ýaqytyn mektep qabyrǵasynda ótkizip, sabaqtan keıin túrli is-sharalarǵa qatysyp, qyzyǵýshylyǵy men beıimdiligine baılanysty ártúrli úıirmelerde, seksııalarda ýaqytyn ótkizdi. Al qazirgideı qashyqtan oqytý jaǵdaıynda mektep tarapynan úzdiksiz tárbıe berip, balanyń úıde zerigip, qandaı da teris yqpalǵa túsip, zııandy áreketterge úıir bolmaýy úshin ne isteý qajet?
Bul jaǵdaıdy eskere otyryp, Nur-Sultan qalasy J.Jabaev atyndaǵy №4 mektep-gımnazııasynda tárbıelik is-sharalardy qalaı uıymdastyrǵanymyz jóninde tájirıbemizben bóliskimiz keledi.
Tárbıe tujyrymdamasynda 8 baǵyt qamtylǵan tárbıe josparyn qurdyq. Jospar qurýda ulttyq qundylyqtarǵa negizdelgen otbasylyq tárbıe men adamgershilik tárbıeni basty nazarda ustadyq. Oqýshylardyń ǵalamtor, telefon, noýtbýk sııaqty qurylǵylarǵa qoljetimdilikterin eskere otyryp, qashyqtan tárbıelik is-sharalarymyzdy bastap kettik. Mektebimizdiń Kórkem eńbek pániniń muǵalimi Ǵalııa Kaýypbaeva «Intererdi jabdyqtaýǵa arnalǵan sándi buıymdar jasaý» taqyrybynda qolóner baǵytynda kýrs uıymdastyrdy. Bul kýrsqa mektebimizdiń oqýshylary ǵana emes, respýblıkanyń túkpir-túkpirinen basqa da oqýshylar men ata-analar ǵalamtor jelisi arqyly qatysty. Tikeleı efırde baılanysqa shyqqan ata-analar, óz pikirlerin paraqshaǵa jazyp, sheber ustazdan úırengenderin birge jasady.
Sonymen qatar áriptesimiz júnnen ártúrli epızodtardy sýrettep, kartına jasaýdy úıretti. Udaıy bir aı boıy oqýshylarmen birge jasaǵan buıymdaryn ǵalamtor jelisi arqyly satylymǵa qoıdy. Adamdardyń kartınaǵa qyzyǵýshylyǵy joǵary boldy. Muǵalimmen birge qylqalamyn serik etken oqýshylar qashyqtan oqý barysynda ǵalamtor jelisi arqyly tabys kózine de ıe boldy.
Ulttyq qundylyqtardy boıyna sińirgen, mektebimizdiń úlgili ata-analarynyń biri Sháken Turar pandemııa kezinde mekteppen tyǵyz baılanysta bolyp, baldyrǵandarǵa áje áńgimesi men ertegisin tartý etip otyrdy.
Mektebimizdiń oqýshylary men ata-analary qashyqtan uıymdastyrylǵan barlyq is-sharaǵa qatysyp, júldeli oryndarǵa ıe boldy.
Oqýshylardyń karantın kezinde psıhologııalyq kúızeliske túspeýine qashyqtan uıymdastyrǵan bul tárbıelik is-sharalardyń mańyzy zor boldy degen oıdamyn. Aldaǵy ýaqytta qandaı da bir belgilengen merzim aralyǵynda qashyqtan bilim bergen jaǵdaıda tujyrymdamada kórsetilgen 8 baǵytty qamtyp, oqýshy jáne ata-analarmen birlese otyryp tárbıe jumysyn úzdiksiz júrgize beremiz degen oıdamyn.
Erkin TÝLBAKAN,
J.Jabaev atyndaǵy №4 mektep-gımnazııasy dırektorynyń tárbıe isi jónindegi
orynbasary
Nur-Sultan