Atyraýda probasııa esebinde turǵan sottalǵandar grant alyp, jeke kásibin ashyp jatyr, dep habarlaıdy Egemen.kz.
Bıyl bes sottalǵan azamat «Bastaý-Bıznes» kásipkerlik negizderin oqytý jobasynyń kýrsyn aıaqtap, qazir jeke kásibimen aınalysyp júr. Al urlyq, tonaý, alaıaqtyq baptarymen sottalǵan úsh jigit bıznes-ıdeıasyn júzege asyrý maqsatynda 555 myń teńgeniń memlekettik grantyna ıe boldy. Endi olar bul qarjyny jeke kásibin ashýǵa jumsaǵaly otyr.
«Qazir Atyraý qalalyq probasııa qyzmetiniń esebinde turǵan taǵy bir sottalǵan azamat kólik jýý ortalyǵyn ashyp, kásibin dóńgelete bastady. Al Inder aýdanda sottalǵan bir azamat fast-fýd dúńgirshegin ashty», - dep málim dedi Atyraý oblysy boıynsha qylmystyq-atqarý júıesi departamentiniń baspasóz qyzmeti.
Probasııa qyzmetiniń mamandary sottalǵandar arasynda jeke bıznesti ashýǵa, olarǵa áleýmettik-quqyqtyq kómekter kórsetýge arnalǵan semınar-trenıngterdi ótkizip jatyr.