Atyraýda kólik quraldaryna arnalǵan memlekettik tirkeý nómirleri shyǵaryla bastady, dep habarlaıdy Egemen.kz
«Azamattarǵa arnalǵan úkimet» memlekettik korporasııasy» KEAQ Atyraý oblysy boıynsha fılıalynyń qoǵammen baılanys menedjeri Bekjan Ahmetovtiń málimetinshe, osy kezge deıin atyraýlyq kólik ıeleri nómir alý úshin 20 kún kútetin edi. О́ıtkeni nómirler Aqtóbe qalasynda shyǵarylatyn. Endi ony Atyraýdan bes kúnde alýǵa bolady.
«Bıylǵy 11 aıda mamandandyrylǵan halyqqa qyzmet kórsetý ortalyǵynda 83 580 qyzmet kórsetildi. Onyń ishinde júrgizýshi kýáligin alýǵa baılanysty 27 818, kólik quralyna memlekettik tirkeý nómir belgilerin berý boıynsha 54 846 qyzmet usynyldy. Endi Atyraý oblysynda nómir belgilerin shyǵaratyn stanok iske qosyldy. Bul stanokpen kúnine 500 nómir shyǵarý bolady», deıdi Bekjan Ahmetov.