Altaı Kólginov oqýshylarǵa túrli olımpıadalarda, sonyń ishinde halyqaralyq bilim básekelerinde júldeli orynǵa ıe bolǵany úshin aqshalaı sertıfıkattar tabystady. Bul týraly elorda ákimi Instagram paraqshasynda jazdy, dep habarlaıdy Egemen.kz.
«Oqýshylardyń bilimdi bolyp qalyptasýy men olardyń jetistikteri muǵalimder men ata-analardyń eńbegi arqyly keledi. Bul eńbek baǵalanýy kerek. Búgin daryndy oqýshylarǵa túrli olımpıadalarda, sonyń ishinde halyqaralyq bilim básekelerinde júldeli orynǵa ıe bolǵany úshin 100 myń teńge kóleminde sertıfıkattar, al muǵalimderge syıaqy men noýtbýkter tabys etildi.
Ár oqýshynyń súıikti páni bolady. Bireýi matematıka men fızıkany unatsa, endi biri bıologııany oqıdy. Ádebıet, geografııa, hımııa sııaqty pánderdi janyna jaqyn kóretinder de tabylady.
Joǵary synyp oqýshylary bolashaq mamandyǵyn tańdap ta úlgergen. Oqýshylardyń bárine oqýda tabys, zor densaýlyq jáne baqyt tileımin!
Memleket tarapynan jaǵdaı jasalyp keledi. Mektepter salynyp, balalar ortalyqtary men úıirmeler ashylyp, muǵalimderdiń eńbekaqysy kezeń-kezeńimen kóbeıtilip keledi. Pedagog mártebesi týraly zań qabyldandy. Bıylǵy jyldyń naýryz aıynan bastap oqýshylar úshin qoǵamdyq kólikte jol júrý tegin. Balalar qoldaýsyz, qorǵaýsyz qalmaıdy», dep jazdy Altaı Kólginov.