Taıaýda Almaty qalasynyń ákimi Baqytjan Saǵyntaev iAzamat mobıldi ınteraktıvti qosymshasyn qurý týraly bastama kótergen bolatyn. Kúni keshe atalǵan qosymshanyń beta-nusqasy iske qosyldy, dep habarlaıdy Egemen.kz
О́ńirlik kommýnıkasııalar qyzmeti alańynda ótken onlaın-brıfıng barysynda qosymsha týraly jáne kelesi jyly qandaı ózgerister kútiletinin «Almaty qalasyn damytý ortalyǵy» qoǵamdyq kommýnıkasııalar departamentiniń dırektory Álııa Jaqsalyqova tolyǵyraq aıtyp berdi.
Ázirleýshiler atap ótkendeı, iAzamat qosymshasy turǵyndardy Almatynyń jaǵymdy ózgerisine, onyń ishinde: qoǵamdyq kólik, joldardy jóndeý, TKSh, abattandyrý, kógaldandyrý, kóshelerdi tazalaý, jaryqtandyrý jáne t. b. baǵyttar boıynsha tartýǵa baǵyttalǵan.
Mobıldi qosymshanyń fýnksıonaly qala turǵyndarynyń qala bıligimen dıalog júrgizýge arnalǵan alańyn bildiredi. Qala turǵyndary osy nemese basqa joba týraly óz pikirlerin bildirip, talqylaı alady, sondaı-aq óz usynystaryn joldaýǵa da múmkindikteri bar.
Basty maqsat – «Halyq únine qulaq asatyn memleket» tujyrymdamasyn iske asyrý jáne bılik pen qala turǵyndary arasynda kedergisiz dıalog qurý. Sonymen birge qaladaǵy eleýli jańalyqtar men is-sharalar týraly jedel habarlaý, jergilikti atqarýshy organdardyń esep berýi men ashyqtyǵy da atalǵan júıe arqyly ońtaılana túspek.
Qosymsha Open Almaty júıesinde qurylǵan. Qoǵamdyq qabyldaý operatorlary barlyq ótinishterdi kórip, olardy sheshý boıynsha jedel sharalar qabyldaı alady. Jaqyn arada turǵyndar memlekettik organdardyń osy qosymsha arqyly olarǵa bergen jaýabyn baǵalaı alady.
«Qańtar aıynyń sońynda biz problema týraly habarlaýǵa bolatyn jańa fýnksııany iske qosamyz, onda turǵyndarǵa máseleniń fotosýretin, beınesin, naqty geolokasııasyn tirkeý úshin birneshe ret basý jetkilikti bolady. Qazir bizde dál osy baǵytta jumys júrgizilýde. Kelesi jyly da biz memlekettik organdardyń jaýaptaryn baǵalaý júıesin engizetin bolamyz. Bul jaýaptardyń sapasyn arttyratyn jaqsy qural bolady dep esepteımin», dep atap ótti A.Jaqsalyqova.
Almatylyqtar qosymshanyń ınterfeısi men fýnksıonalyn jetildirý boıynsha óz ıdeıalary men tilekterin iazamat@almatydc.kz. elektrondyq meken-jaıyna joldaı alady.