Keshe Aqordada Qazaqstan Respýblıkasynyń Memlekettik hatshysy Qyrymbek Kósherbaev Prezıdent Qasym-Jomart Toqaevtyń tapsyrmasy boıynsha memlekettik nagradalardy, dıplomdar men tósbelgilerdi saltanatty jaǵdaıda tapsyrdy.
Is-sharaǵa bir top belgili mádenıet, ǵylym, bilim, densaýlyq saqtaý salalarynyń qaıratkerleri, óndiristik sala ókilderi qatysyp, olarǵa Qazaqstan Respýblıkasynyń memlekettik nagradalary, sondaı-aq Ál-Farabı atyndaǵy ǵylym men tehnıka salasyndaǵy memlekettik syılyq, dıplomdar men tósbelgiler saltanatty jaǵdaıda tapsyryldy.
Táýelsizdik kúni qarsańynda Memleket basshysy Qazaqstannyń damýy men órkendeýine erekshe úles qosqan qazaqstandyqtardy memlekettik nagradalarmen jáne syılyqtarmen marapattaýy ıgilikti dástúrge aınalǵan.
«Memlekettik nagradalar men syılyqtar – bul sizderdiń elimizdi álemdegi dáýletti, parasatty ári básekege qabiletti memleketke aınaldyrýdaǵy jasampaz eńbekterińizge, bilimderińizge, qajyr-qaırattaryńyzǵa jáne aıryqsha qulshynystaryńyzǵa berilgen joǵary baǵa», dedi Qyrymbek Kósherbaev.
Memlekettik hatshy marapat ıelerin joǵary memlekettik nagradalarymen jáne syılyqtarymen quttyqtap, jańa tabystar men jetistikter tiledi, dep habarlady Akorda.kz.