Táýelsizdik Kúni qarsańynda Almaty ákimi Baqytjan Saǵyntaev Tuńǵysh Prezıdent qorynyń «El úmiti» jobasy aıasynda júzege asyrylǵan «Elbasy medali» baǵdarlamasy men «El Maqtanyshy» syılyqtarynyń jeńimpazdaryna marapattaryn tabystady, dep habarlaıdy Egemen.kz.
«El úmiti» jobasy Tuńǵysh Prezıdent – Elbasy Nursultan Nazarbaevtyń bastamasymen júzege asyrylyp keledi. Baǵdarlamaǵa 14-29 jas aralyǵyndaǵy 571 almatylyq qatystyp, olardyń 90-y medalmen marapattaldy.
Zııatkerlik olımpıadalardyń jeńimpazdary atanǵan bes oqýshy men olardy saıysqa daıyndaǵan 15 muǵalim – «El Maqtanyshy» syılyǵymen marapattaldy.
Bıylǵy jyly ıntellektýaldy saıystarǵa qalanyń 359 oqýshysy qatysyp, onyń 237-si júldeli oryndarǵa ıe boldy.
Qala ákimi Baqytjan Saǵyntaev Tuńǵysh Prezıdent – Elbasynyń arnaıy marapattarynyń ıelerin quttyqtaı otyryp, daryndy jastardy qoldaý sharalary men bilim alý men qabiletti jan-jaqty damytý úshin jaǵdaılar jasaý kerektigine toqtaldy.
Bıylǵy jyly qoldaý sharalary aıasynda 500-den astam jas muǵalim jalpy somasy 30 mln teńgeni quraıtyn bir rettik materıaldyq kómek aldy. Sondaı-aq, muǵalimderdi qarjylaı qoldaý maqsatynda jalaqy 2020 jyldyń 1 qańtarynan bastap 25% ósti.
Sonymen qatar, 2020 jyldan bastap alǵash ret óz jumysynda joǵary kórsetkishterge qol jetkizgen qalanyń úzdik muǵalimderi úshin aqshalaı syılyqtarmen qatar, Almaty qalasy ákiminiń arnaıy granttary engizildi. 2 bólmeli páter men avtokólik jyl saıynǵy qalalyq «Almaty qalasy muǵalimi» baıqaýynyń jeńimpazdarynyń júlde qory boldy. Sonymen birge muǵalimderdiń turmystyq jaǵdaılaryn jaqsartý jumystary jalǵasyn taýyp jatyr. Osylaısha, bıyl 266 jas muǵalim úımen qamtamasyz etildi.