Almaty qalasynyń Memlekettik kirister departamentinde múlik salyǵy, jer salyǵy, kólik quraldary salyǵy boıynsha bereshegi bar azamattardy bıylǵy jyldyń sońyna deıin júrgiziletin jınaqtalǵan ósimpuldy esepten shyǵarýdaǵy salyqtyq raqymshylyq múmkindigin paıdalanýǵa shaqyrdy, dep habarlaıdy Egemen.kz.
Bul týraly О́ńirlik kommýnıkasııalar qyzmeti alańynda ótken onlaın-brıfıng barysynda Almaty qalasy Memlekettik kirister departamenti basshysynyń orynbasary Orynkúl Qazıeva men Almaty qalasy Ádilet departamenti basshysynyń orynbasary Jańabaı Aǵmanov málim etti.
MKD derekteri boıynsha, Almatyda ósimpuldy esepten shyǵarýdaǵy aksııanyń basynda boryshkerlerdiń sany 192 myń jeke tulǵany qurady, onda 6,5 mlrd.teńgeden astam bereshek bolǵan. Onyń ishinde negizgi borysh somasy - 5,4 mlrd teńge jáne ósimpul somasy - 1,1 mlrd teńge.
«Búgingi tańda Almaty qalasy boıynsha raqymshylyqty 84 511 salyq tóleýshi paıdalandy, onda 209,2 mln teńge somaǵa ósimpul esepten shyǵaryldy jáne negizgi boryshtyń ótelgen somasy 1,9 mlrd teńgeni quraıdy. Bul rette ósimpuldy esepten shyǵarý avtomatty túrde júrgiziledi, qaryzdyń negizgi somasyn ǵana tóleý jetkilikti» - dep habarlady Qazıeva.
Jeke tulǵalarǵa 2020 jylǵy 1 sáýirdegi jaǵdaı boıynsha salyq tóleýshilerdiń derbes shottarynda esepteletin múlik salyǵy, jer salyǵy jáne kólik quraldary salyǵy boıynsha beresi 2020 jylǵy 31 jeltoqsanǵa deıin tólengen jaǵdaıda ósimpuldardy esepten shyǵarady. Bul rette ósimpul beresi tólengen salyq túri boıynsha ǵana esepten shyǵarylady.
Bul norma mundaı adamdardyń salyq mindettemeleri kásipkerlik qyzmetti, jekeshe notarıýstyń, jeke sot oryndaýshysynyń, advokattyń nemese kásibı medıatordyń qyzmetin júzege asyrýmen baılanysty emes jaǵdaılardy qospaǵanda, dara kásipker retinde tirkeý esebinde turǵan adamdarǵa jáne jeke praktıkamen aınalysatyn adamdarǵa qoldanylmaıdy.
Jańabaı Aǵmanov salyq organdaryna oryndalmaǵan salyq buıryqtary boıynsha jáne jeke tulǵalardan bereshekti óndirip alý jónindegi derekter kelip túsetinin atap ótti. О́z tarapynan sot oryndaýshylary májbúrlep atqarýshylyq is júrgizýdi qozǵaıdy – bul shottarǵa tyıym salý, jyljymaly jáne jyljymaıtyn múlikke tyıym salý, sondaı-aq múlikti alyp qoıý.
«Atqarýshylyq is júrgizý qozǵalǵannan keıin biz sottylyq jónindegi habarlamada bul salyqtyq raqymshylyq kórsetilmeýi úshin aıyppuldardy erikti túrde tóleýdi usynamyz. Árıne, bizge kelip túsetin salyq buıryqtary ósimpuldarmen birge keledi. Sondyqtan habarlamalarda salyqtyq raqymshylyq júrgizý merzimderin túsindiremiz», dedi Aǵmanov.
Habarlamalar boıynsha suraqtar týyndaǵan jaǵdaıda turǵyndar Almaty qalasy Ádilet departamentiniń call-ortalyǵyna 8 (727) 291 85 26, 8 707 615 13 95 nómirleri boıynsha habarlasa alady.