Memleket basshysynyń Jarlyǵymen ústimizdegi jyly «Báıterek» Ulttyq basqarýshy holdıngi» AQ qurylǵan bolatyn. Holdıngke ekonomıkany ártaraptandyrýǵa yqpal etý, ınvestısııa tartý, klasterlerdi damytý, enshiles kompanııalarda korporatıvtik basqarý júıesin jetildirý mindetteri júktelgen.
Memleket basshysynyń Jarlyǵymen ústimizdegi jyly «Báıterek» Ulttyq basqarýshy holdıngi» AQ qurylǵan bolatyn. Holdıngke ekonomıkany ártaraptandyrýǵa yqpal etý, ınvestısııa tartý, klasterlerdi damytý, enshiles kompanııalarda korporatıvtik basqarý júıesin jetildirý mindetteri júktelgen.
Jaqynda «Báıterek» ulttyq basqarýshy holdınginiń delegasııasy Germanııa Federatıvtik Respýblıkasyna jumys saparymen baryp qaıtty. Sapar osy eldiń ınnovasııalyq tehnologııalardy damytý salasyndaǵy tájirıbesin zerttep, osy baǵytta áriptestik qarym-qatynastar ornatýǵa arnaldy.
Sapar aıasynda ınnovasııalyq tehnologııalardy damytýmen aınalysatyn memlekettik organdar, iskerlik jáne ǵylymı orta ókilderimen kezdesýler ótti. «Báıterek» holdınginiń basqarýshy dırektory- basqarma múshesi Qanysh Tileýshın bastaǵan delegasııa Germanııanyń federaldyq ekonomıka jáne tehnologııalar mınıstrligi, nemis orta kásipkerleriniń federaldyq odaǵy, «Memlekettik-jeke kásipkerlik» AQ, Tómengi Saksonııanyń «Innovatives Niedersachsen GmbH» ınnovasııalyq-tehnologııalyq ortalyǵy, Gannover ýnıversıtetiniń «Unitransfer» tehnologııalar transfertteý ortalyǵy, Bonndaǵy High-Tech Gründerfonds (HTGF) venchýrlyq-ınvestısııalyq kompanııasynyń ókilderimen kelissózder júrgizdi.
Kezdesýler barysynda eki eldiń ınnovasııalyq júıesine jaýapty mekemeler negizinde Qazaqstan-Germanııa tehnologııalyq áriptestik ortalyǵyn qurý máselesi talqylandy. Qazaqstan jaǵy mundaı ortalyq jumysyn kelesi jyly uıymdastyrýǵa daıyndyq bildirip otyr. «Báıterek» holdınginiń quramyndaǵy «Tehnologııalyq damý jónindegi ulttyq agenttik» AQ janynda qazirgi tańda Qazaqstan-Koreıa, Qazaqstan-Fransııa, Qazaqstan-Norvegııa, Qazaqstan-AQSh elderimen birlesken tehnologııalyq áriptestik ortalyqtary jumys isteıdi. Olarda qazaqstandyq ókilder transfertteý jónindegi agentter retinde jumys istep, tehnologııalar men qazaqstandyq mamandar úshin qajetti trenıngtik baǵdarlamalar izdestirýmen aınalysady, birlesken ınnovasııalyq, ǵylymı-zertteý jobalaryna uıytqy bolady.
Qazaqstan men Germanııa arasyndaǵy san tarapty qarym-qatynastar ǵylym, ınnovasııa, tehnologııalar salasyndaǵy áriptestikti damytýǵa negiz qalap otyr. Eki eldiń mıneraldy resýrstar, ındýstrııa jáne tehnologııalar salasyndaǵy áriptestigi Qazaqstan men Germanııa federatıvtik respýblıkasy úkimetteri arasynda 2012 jyldyń 8 aqpanynda Berlın qalasynda jasalǵan kelisimmen bekitilgen. Atalmysh Kelisimniń negizgi qaǵıdaty – Qazaqstan shıkizatyn nemis tehnologııalaryna aıyrbastaý. Qazaqstanda birlesken kásiporyndar, nemis kompanııalary men bankteriniń ókildikterin qosqanda german kapıtalynyń qatysýymen 1250 ekonomıkalyq qurylym tirkelgen. Negizinen olar óńdeý ónerkásibi, qurylys, kólik jáne baılanys, aýyl sharýashylyǵy, basqa da kommýnaldyq, áleýmettik jáne jeke qyzmet kórsetý, ekonomıkanyń basqa da salalaryn qamtyp otyr. Qazaqstanda «Sımens», «Daımler», «Folksvagen», «Metro», «TıssenKrýp», «Man», «RVE», «Knaýf», «EADS», «Baıer», «BASF», «Bosh» syndy kompanııalar men konsernderdiń ókildikteri bar.
Sapar barysynda High-Tech Gründerfonds kompanııasynyń ókilderimen birlesip venchýrlyq qor qurý, «Báıterek» holdıngi jasaqtaǵaly otyrǵan jańa tehnologııalar qoryn ınvestısııalaý múmkindikteri talqylandy. Qazirgi tańda «Tehnologııalyq damý jónindegi ulttyq agenttik» AQ 7 jyl merzimdik úles kólemi 49 paıyzdan aspaıtyn (1 venchýrlyq qor úshin 15,5 mln. AQSh dollarynan aspaıdy) venchýrlyq qorlarǵa qatysýda. Atalmysh agenttiktiń sheteldik venchýrlyq qorlarmen jumys isteý tájirıbesi de bar. Mysaly, Tehnologııalyq damý jónindegi ulttyq agenttiktiń jarǵylyq qory 150 mln. eýro bolatyn Wellington Partners III Technology Fund L.P. venchýrlyq qoryndaǵy úlesi 7,7 mln. eýrony quraıdy. Qazirgi tańda IT jáne jańa tehnologııalar baǵytynda jumys isteıtin 11 kompanııa qarjylandyrýda.
Jylqybaı JAǴYPARULY,
«Egemen Qazaqstan».