«Búginde elimizde 33 sportshy 7 sport túri boıynsha Sochıdaǵy Olımpııa oıyndaryna qatysý quqyǵyn ıelenip otyr. Lısenzııalyq kezeń aıaqtalǵanǵa deıin 10 sport túri boıynsha 40-tan astam lısenzııa alýǵa úmit bar». Keshe Úkimet otyrysynda Sport jáne deneshynyqtyrý agenttigi basshysy osylaı dedi.
«Búginde elimizde 33 sportshy 7 sport túri boıynsha Sochıdaǵy Olımpııa oıyndaryna qatysý quqyǵyn ıelenip otyr. Lısenzııalyq kezeń aıaqtalǵanǵa deıin 10 sport túri boıynsha 40-tan astam lısenzııa alýǵa úmit bar». Keshe Úkimet otyrysynda Sport jáne deneshynyqtyrý agenttigi basshysy osylaı dedi.
Premer-Mınıstr Serik Ahmetovtiń tóraǵalyǵymen ótken Úkimet otyrysynda 2014 jyly Sochıde ótetin XXII qysqy Olımpıadaǵa Qazaqstan qurama komandasynyń daıyndyǵy talqylanǵan bolatyn. Onda Úkimet basshysy olımpııalyq oıyndardaǵy sporttyq nátıjelerdiń memlekettiń bedeli men salıqaly ımıdjdik kórsetkishi retindegi mańyzdylyǵyna toqtalyp, qazaqstandyq sportshylardyń Sochıdaǵy saıystarǵa sapaly daıyndyǵyn qamtamasyz etý qajettigin atap ótti. Osyǵan oraı, Sport jáne deneshynyqtyrý isteri jónindegi agenttikke Olımpıada jarystarymen qatar, Paralımpıada oıyndaryna elimizdiń qurama komandalaryn sapaly daıyndaý júkteldi. S.Ahmetov sondaı-aq, baspasóz ortalyǵyn uıymdastyrý jáne ulttyq quramany qoldap-jigerlendirý úshin biregeı uıymdasqan top retinde jankúıerlerdiń qatysýyn qamtamasyz etýdi de tapsyrdy.
Álemniń 80 elinen 5 myńnan astam sportshy men resmı ókilder qatysyp, 15 sport túrinen 98 medaldar jıyntyǵy sarapqa salynatyn Sochı Olımpıadasynda elimizdiń bıik belesten kórinýi asa mańyzdy ekeni ras. Buǵan barynsha daıyndyq qajet. Al qazaqstandyq sportshylardyń daıyndyǵy qalaı? Bul jóninde keshegi otyrysta Sport jáne dene shynyqtyrý isteri jónindegi Agenttiktiń tóraǵasy Tastanbek Esentaev baıandady. Agenttik basshysynyń aıtýynsha, Sochıdaǵy Olımpıadaǵa daıyndyq úshin elimizde Respýblıkalyq jedel shtab qurylǵan. Olımpıada quramasyna kandıdattardy daıyndaýdyń qorytyndy kezeńiniń jeke josparlary bekitilip, Olımpıada oıyndaryndaǵy sporttyq nátıjeler ındıkatorlary men mejelegen mindetter anyqtalypty.
T.Esentaevtyń sózine qaraǵanda, ulttyq qurama komanda 8 sport túri boıynsha óner kórsetedi. Qazaqstannyń olımpıada qurama komandasynyń áleýeti – shańǵymen jarysý, bıatlon, frıstaıl-mogýle, konkımen júgirý, mánerlep syrǵanaý, snoýbord sııaqty 6 sport túrinen básekelesýge múmkindik beredi. Sondaı-aq, sportshylardyń aldyna taý shańǵysy sporty, shańǵymen tramplınnen sekirý, shańǵy qossaıysy, shana sporty boıynsha da úzdik nátıjeler kórsetip, lısenzııalar ıemdený mindeti qoıylyp otyr.
«Qysqy sport túrleri boıynsha ulttyq quramanyń aldyna Vankýverdegi Olımpıada oıyndaryndaǵy sport kórsetkishterin jaqsartý, ıaǵnı ekeýden kem emes ártúrli qundylyqtaǵy medaldar ıemdenip, jalpy komandalyq esepte 20-23 oryndarǵa shyǵý mindeti qoıylyp otyr», dedi T.Esentaev.
Agenttik basshysy, sondaı-aq, Memleket basshysynyń tapsyrmasyn oryndaý úshin Halyqaralyq Olımpıada komıtetine 2022 jyly Almatyda XXIV qysqy Olımpıada oıyndaryn ótkizý týraly ótinim tapsyrylǵany týraly habarlady.
Dınara BITIKOVA,
«Egemen Qazaqstan».