Aqtaý qalasynda dzıýdodan erler men áıelder arasynda Qazaqstan chempıonatynyń jalaýy jelbiredi, dep habarlaıdy Egemen.kz
Erler arasynda asa jeńil salmaqta qyzylordalyq Maǵjan Shamshaddınniń mereıi ústem boldy. Aqtyq aıqasta ol taldyqorǵandyq Damır Bolatbekovty tize búktirdi. Qola medaldi oraldyq Toqtar Úmitálıev pen qaraǵandylyq Erjan Erenǵaıypov enshiledi.
Áıelderdiń 48 kılo salmaqtaǵy saıysynda Nursulý Eralıevaǵa teń keler eshkim tabylmady. Fınalda Almaty oblysynyń arýy mańǵystaýlyq Anna Kazıýlınany qapy qaldyrdy. Úshinshi oryndardy oraldyq Gúlmahan Almahanbetova men qyzylordalyq Qundyz Jylqybaı oljalady.