Májilis depýtattary, «Nur Otan» partııasy fraksııasynyń músheleri Maıra Aısına, Nurtaı Sabılıanov jáne Jalǵas Dúısenǵalıev Atyraý qalasyndaǵy agrarlyq-tehnıkalyq kolledj ujymymen jáne stýdent jastarmen kezdesý ótkizdi.
Májilis depýtattary, «Nur Otan» partııasy fraksııasynyń músheleri Maıra Aısına, Nurtaı Sabılıanov jáne Jalǵas Dúısenǵalıev Atyraý qalasyndaǵy agrarlyq-tehnıkalyq kolledj ujymymen jáne stýdent jastarmen kezdesý ótkizdi.
Depýtattar jastarǵa besinshi shaqyrylymnyń úshinshi sessııasynda atqarylǵan depýtattyq jumystar jaıynda jáne Memleket basshysynyń «Qazaqstan-2050» Strategııasynda naqtylanǵan mindetterdi oryndaýdy zańnamamen qamtamasyz etýi týraly aıtyp berdi.
* * *
Májilis depýtattary Úsengeldi Medeýov, Baqytbek Smaǵul jáne Serik Seıdýmanov Taraz qalasynda saılaýshylarmen kezdesýler ótkizdi.
Depýtattar «Taraz arena» sport kesheninde bolyp Taraz qalasyndaǵy jastardyń tynys-tirshiligimen tanysty. 300 adamǵa arnalǵan jańadan salynǵan aýrýhananyń jumysymen tanysyp, oblystyq jáne qalalyq bastaýysh partııa uıymdary jetekshilerimen, «Jas Otan» JQ belsendilerimen kezdesý ótkizdi. Kezdesýde depýtattar Elbasynyń sarabdal saıasaty týraly baıan etip, partııa jumysyna belsene aralasqan birneshe partııa belsendisin «Nur Otan» partııasy Taraz qalalyq fılıalynyń qurmet gramotasymen marapattady, partııa qataryna 5 adamdy qabyldaý saltanaty ótti.
* * *
Májilis depýtattary Ýálıhan Bıshimbaev pen Omarhan О́ksikbaev Qorqytata atyndaǵy Qyzylorda memlekettik ýnıversıtetiniń oqytýshy-professorlarymen jáne stýdentterimen kezdesti.
Jıyn barysynda Ý.Bıshimbaev «Elbasy N.Á.Nazarbaev «Qazaqstan-2050» Strategııasynda bilim berý, kásibı biliktilik, kadrlar daıarlaý jáne ǵylymdy damytýdyń jańa mindetterin aıqyndap berdi. Búginde bilikti ǵalymdardy memleket tarapynan qoldaýǵa qatysty jumystar jasalyp jatyr», – dedi. Sondaı-aq, aǵa býynnyń búgingi jastarǵa artar senimi mol ekenin tilge tıek etti.
O.О́ksikbaev óz kezeginde besinshi shaqyrylymnyń úshinshi sessııasynda atqarylǵan depýtattyq jumystar jaıynda aıtyp berdi.
Kezdesý sońynda qatysýshylar halyq qalaýlylarymen erkin pikir almasyp, oı bólisti.
* * *
Májilis depýtaty Ulasbek Sádibekov Saryaǵash aýdany jastarymen ótken kezdesýde palatanyń osy ýaqytqa deıin atqarǵan jumysy men Elbasy qoldaýymen elimizde júzege asyrylyp jatqan jastar saıasaty jóninde keńinen áńgimeledi.
Jastarmen pikir almasý barysynda olardy erkin oı bildirýge, jastardy tolǵandyryp júrgen máselelerdi ortaǵa salýda belsendi bolýǵa shaqyrdy. Nátıjesinde kezdesý suraq-jaýap pishininde ótip, jastardyń túrli suraqtaryna tolyqqandy jaýap berildi.
* * *
Májilis depýtaty, «Nur Otan» múshesi Abaı Tasbolatov Qostanaı oblysynda bolyp, Elbasynyń Qazaqstan halqyna arnaǵan Joldaýyndaǵy elimizdiń aldyna qoıǵan ózekti degen máselelerin halyqqa túsindirý maqsatynda kezdesýler ótkizdi.
Depýtat Qostanaı oblysynyń ákimi N.Sádýaqasovpen de kezdesip, «Nur Otan» partııasy Qostanaı oblystyq fılıalynyń qoǵamdyq qabyldaý bólmesinde azamattardy jeke máselelerimen qabyldady. Depýtat, sondaı-aq, «Nur Otan» partııasy oblystyq fılıalynyń qyzmetkerlerimen, qalalyq máslıhat depýtattarymen, Uly Otan soǵysy jáne tyl ardagerlerimen, Aýǵanstan soǵysyna qatysýshylarmen, óńir jastarymen kezdesý ótkizdi. Qorǵanys isteri departamentinde bolyp, onda jumys atqaratyn áskerı qyzmetkerlermen júzdesti.
* * *
Májilis depýtattary, «Nur Otan» partııasy fraksııasynyń músheleri Serik Ospanov pen Quttyqoja Ydyrysov Mańǵystaý oblysyndaǵy «Aqtaý halyqaralyq teńiz-saýda portynda» kezdesý ótkizdi.
Májilis depýtattary port jumysymen tanysyp, keme aıaldaıtyn orynda ujym jumysshylarymen júzdesti. Olar Parlament Májilisiniń besinshi shaqyrylymynyń úshinshi sessııasynda atqarylǵan depýtattyq jumystar jaıynda jáne Memleket basshysynyń «Qazaqstan-2050» Strategııasynda naqtylanǵan mindetterdi oryndaýdy zańnamamen qamtamasyz etý týraly aıtyp berdi.
* * *
Májilis depýtattary, «Nur Otan» partııasy fraksııasynyń músheleri Pavlodar qalasynda «Jas Otan» jastar qanatynyń belsendilerimen kezdesti.
Bul depýtattyq topta palatanyń Áleýmettik mádenı-damý komıtetiniń músheleri Aıgúl Nurkına, Meıram Begentaevtar, Ekologııa máseleleri jáne tabıǵat paıdalaný komıtetiniń múshesi Andreı Begeneev bar.
Kezdesýde Memlekettik jastar saıasaty týraly, jastardyń boıynda ekologııalyq mádenıet qalyptastyrý, jastar uıymynyń jumysyn jandandyrý jaıynda áńgimeler aıtyldy. «Jas Otan» jastar qanatynyń belsendileri óz kezeginde Elbasynyń «Nur Otan» partııasynyń HV sezinde jastardyń aldyna qoıǵan mindetterdiń oblysta oryndalýy jaıyna toqtaldy.