Mańǵystaýdaǵy belgili ken ornynyń biri – Dońǵa. Qazirgi tańda osy óńirde «Maersk Oil» kompanııasy «Parteks» jáne «Oman Oıl Kampanı Lımıted» kompanııalarymen birge Dońǵa jobasyn júrgizýde. Olar jergilikti turǵyndardyń ómirine áleýmettik turǵyda kómek bildirýge, ásirese, múmkindigi shekteýli jandarǵa qoldaý kórsetýge atsalysa bastady.
Mańǵystaýdaǵy belgili ken ornynyń biri – Dońǵa. Qazirgi tańda osy óńirde «Maersk Oil» kompanııasy «Parteks» jáne «Oman Oıl Kampanı Lımıted» kompanııalarymen birge Dońǵa jobasyn júrgizýde. Olar jergilikti turǵyndardyń ómirine áleýmettik turǵyda kómek bildirýge, ásirese, múmkindigi shekteýli jandarǵa qoldaý kórsetýge atsalysa bastady.
Jýyrda olar Aqtaý qalasyndaǵy erekshe qajettilikteri bar balalarǵa arnaıy kólik satyp alýǵa 35 000 AQSh dollaryn bóldi. Atalmysh sanattaǵy balalardyń ata-analary bastamasymen qurylǵan «Zdorove detıam» uıymynyń hatyna jaýap retinde berilgen kólik balalardy úılerinen medısınalyq mekemelerine, qala syrtyna demalysqa aparýǵa jáne jergilikti at sharýashylyǵyna terapııa alý úshin barýǵa tasymaldaıdy.
– Jergilikti qoǵamnyń densaýlyǵy jáne qaýipsizdigi «Maersk Oil» kompanııasynyń áleýmettik jarnasynyń basym baǵyttarynyń biri bolyp tabylady. Bıyl jazda bizdiń kompanııa Aqshuqyr aýylynda emhana salýǵa 850 000 AQSh dollaryn ınvestısııalady. Múmkindigi shekteýli jáne saý balalar bir-birimen teń dep sanaımyz, olar qalypty, belsendi ómir súrýleri kerek. Biz óńir turǵyndarynyń densaýlyǵy men qaýipsizdigine qatysty jobalardy qoldaýdy jalǵastyramyz, – dedi «Maersk Oıl Qazaqstan» kompanııasynyń basqarýshy dırektory Morten Kelstrýp kólikti tapsyryp turyp.
Osylaısha, 2007 jyly qurylǵan erekshe qajettilikteri bar balalarǵa saýyqtyrý men sosıýmǵa beıimdelý jaıynda kómek kórsetýge arnalǵan qor kólikti boldy. Qorǵa tirkelgen nevrolog, kardıolog, logoped, allergolog, psıholog sekildi medısına mamandarynan em alatyn 286 balanyń 10 paıyzy múgedekter arbasyn qoldanady eken.
Gúlaıym ShYNTEMIRQYZY,
«Egemen Qazaqstan».
Mańǵystaý oblysy.