Reseıdiń «Chempıonat» ınternet-portaly 2020 jyldyń jazyndaǵy fýtboldan aıtýly memlekettiń Premer-lıgasynda jasalǵan eń úzdik transferlerdiń tizimin jarııalady, dep habarlaıdy Egemen.kz.
«TOP-10» oıynshynyń qatarynda Baqtııar Zaınýtdınov ta bar. Buǵan deıin «Rostovta» óner kórsetken Jambyl fýtbol mektebiniń túlegi ústimizdegi jyldyń tamyz aıynda SSKA-nyń jeıdesin kıdi. Ol kezdegi onyń transferlik quny – 2 mıllıon evrony qurady. Máskeýge kelgen bette Baqtııar birden óreli ónerimen kózge túsip, kópshilik nazaryn ózine aýdardy.
Eń bastysy, jerlesimiz ámbebap oıynshy retinde biraýyzdan moıyndaldy. Áskerıler klýbynyń namysyn qorǵaǵaly beri Zaınýtdınov alty birdeı pozısııada oınap úlgerdi. Qazaqstan ulttyq qurama komandasynyń jartylaı qorǵaýshysy SSKA-nyń sapynda 14 ret jasyl alańǵa shyǵyp, qarsylastar qaqpasyn bir márte dál kózdedi.
Sonymen qatar, úzdik transferler tizimine German Onýgha («Tambov»), Danııl Fomın («Dınamo»), Hvan In Bem («Rýbın»), Djordje Despotovıch («Rýbın»), Rezıýan Mırzov («Hımkı»), Denıs Glýshakov («Rýbın»), Artem Tımofeev («Ahmat»), Kento Hasımoto («Rostov») jáne Danııl Lesovoı («Arsenal») syndy oıynshylar enip otyr.