Budan bylaı Atyraý qalalyq ákimdigi «Ashyq ákimdik» formatynda jumys isteıdi, dep habarlaıdy Egemen.kz.
Jalpy aýmaǵy 328,9 sharshy metrdi quraıtyn jańa front-ofıs qalalyq ákimdiktiń birinshi qabatynda ashyldy. Onyń ashylýyna QR Sybaılas jemqorlyqqa qarsy is-qımyl agenttiginiń tóraǵasy Alık Shpekbaev pen Atyraý oblysynyń ákimi Mahambet Dosmuhambetov qatysty.
Jańa jobany tanystyrǵan Atyraý qalasynyń ákimi Qaırat Orazbaevtyń aıtýynsha, «Ashyq ákimdik» jobasy Prezıdent Qasym-Jomart Toqaevtyń «halyq únine qulaq asatyn memleket» qaǵıdatyn júzege asyrý maqsatynda ashyldy. Basty maqsat – memlekettik organ men halyq arasyndaǵy baılanysty nyǵaıtý.
«Turǵyndar jer qatynastary máselesi, áleýmettik qamtý jáne turǵyn úı kommýnaldyq sharýashylyǵy baǵytyndaǵy memleketettik qyzmetterdi ońaı alady. Olarǵa ákimdiktiń 5 mamany qyzmet kórsetedi. Sondaı-aq munda qalalyq ákimdiktiń jalpy bóliminiń mamandary qala ákimi men orynbasarlarynyń qabyldaýyna tirkeıdi. Munda qala ákiminiń orynbasary men birneshe bólim mamandary ashyq úlgide jumys isteıdi. Qujattardy jınaqtaýdy jeńildetý maqsatynda halyqqa qyzmet kórsetý ortalyǵynyń mamandary da bar» dedi qala ákimi Qaırat Orazbaev.
Qala ákiminiń aıtýyna qaraǵanda, «Ashyq ákimdik» keńsesinde áınekpen bólingen arnaıy alań jasaldy. Munda azamattardyń elektrondy úkimet kómegimen ózine-ózi qyzmet kórsetý bólmesi bar. Al balalarǵa arnalǵan oıyn buryshy men kofe-rým kelýshilerge arnalyp otyr.