Atyraýǵa demeýshiler Germanııadan shyrsha ákeldi. Shyrshanyń bıiktigi – 9 metr. Qalalyq ákimdik ony Mahambet atyndaǵy akademııalyq qazaq drama teatrynyń aldyndaǵy alańǵa ornatty.
«Shyrshany ornatýǵa bıýdjetten qarjy bólingen joq. Ony demeýshiler qalaǵa syıǵa tartty. Al ákimdik tarapynan shyrshany ornatý úshin aldyn ala oryn daıyndaldy. Kólemi 4h4, tereńdigi 1,5 metr bolatyn shuńqyr qazyldy. Shyrsha ornatylatyn oryn vermıkompostpen jáne basqa da qajetti organıkalyq mıneraldy tyńaıtqyshtarmen óńdeldi. Shyrshany shuńqyrǵa ornatý úshin shamamen 0,5 metr drenaj qabatyna qum, qıyrshyqtas, ózge de qospa salyndy» dep habarlady qalalyq ákimdiktiń baspasóz qyzmeti.