Murat Baqtııarulynyń tóraǵalyq etýimen ótken Senattyń Áleýmettik-mádenı damý jáne ǵylym komıtetiniń keńeıtilgen otyrysynda bilim, qoǵamdyq keńester, mádenıet jáne sport jónindegi birqatar zań jobalary qaraldy.
«Qazaqstan Respýblıkasynyń keıbir zańnamalyq aktilerine qoǵamdyq keńesterdiń qyzmeti máseleleri boıynsha ózgerister men tolyqtyrýlar engizý týraly» zań jobasy qoǵamdyq keńester ınstıtýtyn odan ári damytýǵa, memlekettik organdar men kvazımemlekettik sektordyń sheshimder qabyldaýyna azamattyq qoǵamdy tartý tetikterin jetildirýge baǵyttalǵan.
Otyrys barysynda «Qazaqstan Respýblıkasynyń keıbir zańnamalyq aktilerine mádenıet, dene shynyqtyrý jáne sport máseleleri boıynsha ózgerister men tolyqtyrýlar engizý týraly» zań jobasy talqylandy. Onda balalarmen birge erekshe qajettilikteri bar adamdardyń sport seksııalarynda jáne shyǵarmashylyq úıirmelerde shuǵyldaný múmkindikterin keńeıtedi, halyqqa arnalǵan sport ınfraqurylymynyń qoljetimdiligin qamtamasyz etedi.
Zań bilim berýdiń barlyq deńgeıindegi oqý baǵdarlamasyna ulttyq sport túrlerin engizýdi kózdeıdi.
Senat depýtattary sondaı-aq «Qazaqstan Respýblıkasynyń keıbir zańnamalyq aktilerine bilim berý máseleleri boıynsha ózgerister men tolyqtyrýlar engizý týraly» zań jobasyn talqylady. Qujat pedagogtardy áleýmettik qorǵaýdy arttyrý, bilim berý uıymdaryn memlekettik qarjylandyrý, bilim berý prosesin jetildirý jónindegi jekelegen erejelerdi qamtıdy.
Zań jobalary Palatanyń qaraýyna jiberildi.