Koronavırýs ınfeksııasynyń aldyn alý maqsatynda bıyl jańa jyl merekesin atap ótý jyldaǵydan ózgeshe bolmaq. Osyǵan oraı Qyzylorda qalasy ákimdigi tarapynan shahardy jańajyldyq bezendirýge bıýdjetten arnaıy qarjy bólingen joq, dep habarlaıdy Egemen.kz
Buǵan qosa, merekeniń bas sımvoly retinde ortalyq alańǵa ornatylatyn Jańa jyldyq shyrsha jańadan satyp alynbaıdy. Qazir eki jyl buryn alynǵan shyrsha qaıta jasaqtalyp, ornatylýda. Ol resmı túrde ashylmaıdy. Merekelik sharalar ótkizilmeıdi.
Qyzylorda oblysynyń Bas sanıtarynyń 2020 jylǵy 31 qazandaǵy №25 qaýlysynyń 1.3 tarmaǵynda otbasylyq, saltanatty, estelik is-sharalardy (banketter, úılený toılary, mereıtoılar, eske alý), onyń ishinde úıde jáne adamdar kóp jınalatyn ózge de is-sharalardy ótkizýge tyıym salynǵan. Qala ákimdigi qyzmetkerleri osy tyıymdy basa ustanady.