Qostanaı oblysynda sırek kezdesetin jáne joıylyp bara jatqan túz janýarlaryn qorǵaý maqsatynda 1-jeltoqsannan beri «Aqbóken» jedel aldyn alý sharasy ótip jatyr. Tabıǵatty qorǵaý polısııasy men «Altyn dala» tabıǵı rezervaty ınspektorlary birlese otyryp qolǵa alynǵan shara jeltoqsan aıynyń sońyna deıin jalǵasady, dep habarlaıdy Egemen.kz
Qostanaı oblysy PD jergilikti polısııa qyzmeti basqarmasynyń tabıǵatty qorǵaý polısııasynyń bastyǵy Talǵat Ahmetovtyń aıtýynsha, aksııa bastalǵaly 23 mobıldi top kún saıyn tabıǵat aıasyna shyǵyp, reıd jaralaryn júrgizýde.
«Búginge deıin 376 reıd ótkizildi. Nátıjesinde tabıǵatty qorǵaý zańnamasyn buzǵan 50 adam anyqtaldy. 40 adam zańsyz ańǵa shyqqany úshin, al 10 adam zańsyz balyq aýlaǵany úshin ustaldy», dedi T.Ahmetov.
Qostanaı oblysy