Belgili etnograf, shyǵystanýshy Nyǵmet Sábıtovtyń 125 jyldyǵyna oraı halyqaralyq konferensııa ótti, dep habarlaıdy Egemen.kz
Ǵalymnyń ǵylymı murasy men qoǵamdyq-aǵartýshylyq qyzmetine arnalǵan sharaǵa et jaqyndary men tarıhshylar qatyssa, túrki elderiniń mamandary onlaın baılanysqa shyqty. Jıyn kezinde Nyǵmet Sábıtovke arnalǵan kitaptyń da tusaýy kesildi.
Tarıh ǵylymdarynyń doktory Serik Ájiǵalıdyń aıtýynsha, ǵalym Qazaqstannyń gýmanıtarlyq-qoǵamdyq ǵylymdarǵa úlken úles qosqan.
«Ásirese shyǵystaný ǵylymyn qalaýshy deýge bolady», dedi ol.
«Aýmaly-tókpeli zamanda ómir súrip tiri qalýdyń ózi úlken másele bolǵan kezde bul kisi aıanbaı jumys istedi. Mysaly, Abaı jaıynda kimder zerttedi, qandaı jerde qandaı eńbekter jaryq kórdi, shetelde qandaı eńbekter jaryq kórdi solardyń tizimin jasady», dedi tarıh ǵylymdarynyń kandıdaty Áýezhan Shashaev.