Qazaqstanda Parlament Májilisi men Máslıhattar depýtattarynyń kezekti saılaýy 2021 jyly 10 qańtarda ótedi.
Belsendi saılaý quqyǵyna ıe, saılaý kúni 18 jasqa tolǵan Qazaqstan azamattary óz tańdaýyn jasaı alady.
Daýys berý jergilikti atqarýshy organdar saılaý ýchaskesiniń aýmaǵynda tirkelgen turǵylyqty jeri boıynsha quratyn saılaýshylar tizimderi boıynsha júzege asyrylady. Sondyqtan sizdiń saılaý ýchaskeńizdi aldyn-ala bilý mańyzdy.
Muny JSN, tegi, aty, ákesiniń aty jáne týǵan kúni nemese saılaýshy tirkelgen obektiniń (kóshe, úı) meken-jaıyn kórsete otyryp, kelesi qyzmetter arqyly júzege asyrýǵa bolady:
1. Ákimdiktiń astana.gov.kz veb-portaly. («astana.gov.kz/ru/polling/poisk-izbiratelnogo-uchastka» basty bette «О́z saılaý ýchaskeńdi tap» bannerin nuqyńyz);
2. Smart Astana mobıldi qosymshasy («Qalalyq qyzmetter» bóliminde);
3. @smartastana_bot Telegram-boty arqyly(«Qyzmetter» bóliminde).
Bul baılanys arnalary arqyly saılaý ýchaskesiniń nómirin, ortalyqtyń meken-jaıy men ataýyn, sondaı-aq kartada saılaý ýchaskesi ornalasqan jerindiń belgisin bilýge bolady.
Sondaı-aq ınternetke kire almaıtyn adamdar úshin iKomek 109 biryńǵaı baılanys ortalyǵy jumys isteıdi. Osy telefon nómirine qońyraý shalý arqyly azamattar óz ýchaskesin taba alady.
Esterińizge sala keteıik, elordada saılaý qarsańynda «Belsendi saılaýshy» aksııasy bastaldy, onyń nátıjeleri 5 qańtarda shyǵarylady. Aksııa sharttaryna sáıkes, saılaý ýchaskelerin onlaın-qyzmetter arqyly teksergen árbir bes myńynshy qoldanýshy estelik syılyqtarǵa ıe bolady.