Almatyda qylmys barlyq baǵyt boıynsha 47,8%-ǵa tómendedi, dep habarlaıdy Egemen.kz. Bul týraly Almaty qalalyq polısııa departamentiniń bastyǵy Qanat Taımerdenov brıfıngte habarlady.
Sonymen qatar Almaty qalasynda jyl basynan beri stasıonarlyq polısııa beketterine jeti myńnan astam azamat júgingen.
«Krımınogendik jaǵdaıdy egjeı-tegjeıli taldaý negizinde qala ákiminiń tapsyrmasy boıynsha 41 stasıonarlyq modýldik polısııa beketi ornatyldy, onyń tórteýi týrıstik polısııaǵa arnalǵan jáne 37-i eń krımınogendi aýdandarǵa ornalastyrylǵan. Modýldik beketterde kúndiz ýchaskelik ınspektorlar, túnde patrýldik polısııa polkiniń eki ınspektory qyzmet atqarady. Ornatylǵan modýldik polısııa beketteri qaladaǵy qylmys jaǵdaıynyń ońalýyna áser etti. Stasıonarlyq beketter qoıylyp, jaıaý patrýlder sany kóbeıtilgen jerlerde quqyq buzýshylyqtardyń azaıýy baıqalady, alǵys bildirgen jergilikti turǵyndardyń kóptegen oń pikirleri bar, bul olardyń jumysynyń tıimdiligin kórsetedi. Bul aýdandarda qylmys orta eseppen 60%-ǵa tómendedi», dedi Qanat Taımerdenov.
Stasıonarlyq polısııa beketteri ornatylǵan sátten bastap jeti myńnan astam azamat ótinish bildirdi, olardyń ótinishteri boıynsha 43 qylmystyq is, 2 myń 200 ákimshilik is qozǵaldy, 816 ótinish boıynsha sharalar qabyldandy, 949 azamatqa zańgerlik kómek jáne keńester berildi.
Jalpy, 2020 jyldyń 11 aıynyń qorytyndysy boıynsha qalada qylmys barlyq baǵyttar boıynsha 47,8% tómendedi. Sonymen qatar modýldik posttar ornatylǵan jerlerde qylmys deńgeıi orta eseppen 60% tómendedi. Qazirgi ýaqytta taǵy 7 modýldik postty bólý máselesi qarastyrylyp jatyr.