Almaty-Ekaterınbýrg avtojolynda kúkirt qyshqyly tógildi, dep jazady Egemen.kz. Bul týraly Qaraǵandy oblysynyń ekologııa departamentiniń baspasóz qyzmeti habarlady.
26 jeltoqsan saǵat 06:00 shamasynda Shet aýdanynda Qoshqarbaı̆ aýylynan 2 shaqyrym jerdegi Almaty-Ekaterınbýrg avtojolynyń 912 shaqyrymynda MAZ markaly júk kóligi aýdarylǵan.
Syı̆ymdylyǵy 30 tonna avtosısterna kúkirt qyshqylyn tasymaldaǵan.
«Tasymaldanatyn kúkirt qyshqylynyń jalpy mólsheri shamamen 20 tonnany qurady, segiz tonna kúkirt qyshqyly tógildi. Tógilýdiń jalpy aýdany 80 sharshy metr», delingen departament taratqan aqparatta.
Tógilýdi joıý jáne maı̆syzdandyrý boı̆ynsha jumystardy SaryArka Copper Processing taý-ken metallýrgııa kompanııasynyń qyzmetkerleri júrgizedi.
Sonymen qatar departament topyraq synamasy nátıjeleri týraly qosymsha habarlaıtyndaryn jetkizdi.