Bek Eır ushaq apatyna 1 jyl ýaqyt bolsa da aldyn ala bılet alǵan jolaýshylar oryndalmaǵan reısterdiń aqshasyn áli kúnge deıin qaıtara almaı júr, dep habarlaıdy Egemen.kz
Kompanııanyń olarǵa bereshegi 100 mıllıon teńgeden asady. Búgin osy iske qatysty Talǵar aýdanynda kezekti sot otyrysy ótti. Onda taraptardyń jınaǵan materıaldary men dáıekkózderi tolyq emes bolǵandyqtan keıinge shegerildi.
Aıta keteıik, Gúldala eldimekeninde 95 jolaýshysy jáne 5 ekıpaj múshesi bar ushaqtyń apatqa ushyraǵynyna bir jyl toldy. Áýejaı aýmaǵyna jaqyn tustaǵy úıge baryp soǵylǵan apat saldarynan 12 adam qaza taýyp, 29 adam jaraqat aldy. 51 adam jaqyn mańaıdaǵy aýrýhanalarǵa jetkizilgen edi.
Qaıǵyly oqıǵadan keıin Bek eır áýe kompanııasyna tıesili Fokker-100 ushaǵynyń qyzmeti toqtatylyp, komıtet ushý jóninde sertıfıkatyn qaıtaryp alǵan bolatyn.