Almatyda karantın sharalaryn buzǵany úshin jeke jáne zańdy tulǵalarǵa 78 mln teńgege myńǵa jýyq hattama toltyryldy, dep habarlaıdy Egemen.kz.
Almatyda pandemııa bastalǵaly 18 163 adam koronavırýs ınfeksııasyn juqtyrdy. Almaty qalasy ákiminiń tapsyrmasy boıynsha sanıtarlyq-epıdemııalyq sharalardyń saqtalýyn baqylaý maqsatynda Almatyda quramyna aýdan ákimdikteriniń, jergilikti polısııa qyzmetiniń ókilderi, sondaı-aq «Atameken» kásipkerler palatasynyń qyzmetkerleri engen 32 monıtorıngtik top kúsheıtilgen jumystaryn jalǵastyryp jatyr.
8 qazan men 27 jeltoqsan aralyǵynda 648 is-shara ótkizildi, onyń barysynda 5464 nysan qamtyldy, onyń ishinde 1100-inde (20,1%) karantındik sharalardy buzý faktileri anyqtaldy.
Sonymen birge, 25-27 jeltoqsan aralyǵynda túngi aralaý barysynda 122 nysan tekserildi, 14 nysanda jumys rejımi boıynsha buzýshylyqtar anyqtaldy.
Sonymen qatar jalpy tekserý nátıjeleri boıynsha jeke jáne zańdy tulǵalarǵa ÁQBtK-niń 425-babynyń 1-bóligi boıynsha shekteý is-sharalaryn saqtamaǵany úshin jalpy somasy 78,1 mln teńgege 959 ákimshilik quqyq buzýshylyq hattamasy toltyryldy.