Amerıka senatorlary men kongressmenderi qorǵanys bıýdjetiniń jobasyn bekitti. Soǵan sáıkes, 2021 jyly Aq úı áskerı qajettilikke 740 mıllıard dollar jumsamaq.
Bul mol qarajat qarýly kúshterdi modernızasııalaý, jańa tehnologııalardy damytý, sondaı-aq AQSh-tyń geosaıası yqpalyn odan ári keńeıtý maqsatynda jumsalady.
Qorǵanys bıýdjetine AQSh prezıdenti Donald Tramp narazylyq tanytyp otyr. Ásirese Aq úı basshysy ınternet-platformalardaǵy jazbalardy baqylaý máselesine qatysty jıi daý shyǵarady. Buǵan deıin Twitter, Facebook sekildi birqatar áleýmettik jeli D.Tramptyń keı jazbalaryn jalǵan aqparat retinde áıgilegen-di.
Taıaýda Donald Tramp qujatqa veto qoıý quqyǵyn qoldanatynyn aıtty. Degenmen, kongressmenderdiń 300-i bıýdjet jobasyn qoldap daýys berdi. Alda-jalda prezıdent veto qoıa qalsa, depýtattar ony eńserýge múmkindigi bar. Iаǵnı О́kilder palatasynda zań qaıta maquldansa, qujat qabyldanady.
Pentagonnyń negizgi qajettilikterine 635,5 mlrd dollar jumsalmaq. Qalǵan qarajat energetıka salasyndaǵy ulttyq qaýipsizdik baǵdarlamalaryna (26,6 mlrd) jáne sheteldegi operasııalarǵa (69 mlrd) baǵyttalady. Úsh jyl ishinde dybystan jyldam tehnologııalardy qarýlandyrý salasyna qarjy bólý qajettiligi erekshe eskerilgen.
Iаdrolyq úshtikti modernızasııalaýǵa shamamen 30 mlrd dollar bólingen. Bul qarajat baılanys jáne basqarýdyń jańa júıelerin ázirleýge jumsalady. Zymyran shabýyldaryna qarsy kúres júıelerin damytýǵa 20 mıllıard dollar jumsaý kózdelse, ǵarysh áskerlerine 15 mıllıard dollar rezervke qoıylyp otyr. 10 mlrd-qa jýyq qarajat kıberkeńistiktegi operasııalarǵa baǵyttalady.