Shymkent qalasynda memlekettik-jekeshelik áriptestik aıasynda ınjenerlik-ınfraqurylym júıelerin salý, qyzmetter men jumys sapasyn arttyrý maqsatynda bıyl densaýlyq saqtaý salasy boıynsha 5 joba iske asyryldy. Bul jóninde salalyq basqarma mamandary málim etti, dep habarlaıdy Egemen.kz.
Bul jobalarǵa memlekettik-jekeshelik áriptestik arqyly 10 mlrd. teńgeden astam ınvestısııa tartylǵan.
Olardyń biri №1 qalalyq klınıkalyq aýrýhana bazasyndaǵy terapııa jáne gemokorreksııa ortalyǵy bolsa, ekinshisi "Medıker-IýK" JShS-niń halyqqa ambýlatorııalyq-emhanalyq qyzmet kórsetý úshin qalalyq emhana qurý jobasy.
Sondaı -aq, "Qaıtpas" shaǵyn aýdanyndaǵy bir aýysymda 500 adam qabyldaıtyn qalalyq emhana men qalalyq jedel medısınalyq járdem stansııasyn jańǵyrtý jobalary bar. Qazirgi ýaqytta álemdik standarttar boıynsha Call-ortalyq jumys isteıdi.
Joǵaryda atalǵan tórt jobada bıylǵy jyly óz jumysyn bastap, halyqqa sapaly medısınalyq qyzmet kórsetýde.
Al, búgingi tańda qalalyq onkologııalyq ortalyǵy bazasynda PET ortalyǵy men sáýlelik terapııa ortalyǵynyń qyzmetterin usyný jobasy júzege asyrylýda.
Osylaısha, jeke ınvestısııa tartý arqyly bıýdjet júktemesi tómendetilip otyr.