Memleket basshysyna Joǵarǵy Palatanyń bıylǵy zań shyǵarý qyzmetiniń negizgi qorytyndylary týraly aqparat berildi, dep habarlaıdy Egemen.kz.
Senat Spıkeri Prezıdenttiń Qazaqstan halqyna arnaǵan Joldaýynda aıtylǵan máselelerdi iske asyrýdy qamtasyz etýge baǵyttalǵan zańdardyń qabyldanǵanyna toqtaldy. Atap aıtqanda, jańa «Ekologııalyq kodeks», «Tehnıkalyq retteý týraly týraly» zań, «Qazaqstan Respýblıkasynyń keıbir zańnamalyq aktilerine Memleket basshysynyń «Jańa jaǵdaıdaǵy Qazaqstan: is-qımyl kezeńi» atty Qazaqstan halqyna Joldaýynyń jekelegen erejelerin iske asyrý máselesi boıynsha ózgerister men tolyqtyrýlar engizý týraly» zań qabyldanǵan. Máýlen Áshimbaev atalǵan qujattardyń barlyǵy elimizdiń áleýmet-ekonomıkalyq damýyn, halqymyzdyń turmys sapasyn arttyrýǵa baǵyttalǵanyn atap ótti.
Qasym-Jomart Toqaev aldaǵy ýaqytta elimizde saıası jańǵyrtý jáne ekonomıkalyq damý baǵdarlamalarynyń jalǵasatynyn, basqa salalar boıynsha da aýqymdy jumystardyń atqarylatynyn aıtyp, Senatqa atalǵan baǵyttardy zańmen qamtamasyz etýdi tapsyrdy.