«Egemen.kz» qarasha aıynda ekonomıkany nesıeleý 1,4% óskenin, nesıelerdiń kóp bóligin ónerkásip jáne saýda kompanııalarynyń enshisine buıyrǵanyn habarlaıdy. Bul týraly tolyqqandy málimetter Ulttyq bank saıtynda jarııalanǵan.
Ulttyq valıýtadaǵy nesıe kólemi bir aıda 2,2% ósip, 12 577,9 mıllıard teńgege jetti. Olardyń qurylymynda zańdy tulǵalarǵa kredıtter 0,9%, jeke tulǵalarǵa - 3,2% ósti. Shetel valıýtasyndaǵy nesıeler kólemi 3 06% -ǵa azaıyp, 2 068,8 mlrd. Olardyń qurylymynda zańdy tulǵalarǵa kredıtter 2,1% -ǵa, jeke tulǵalarǵa - 31,6% -ǵa tómendedi. Teńgedegi nesıe úlesi 2020 jylǵy qarashanyń sońynda 85,9% qurady (2019 jylǵy jeltoqsanda - 83,4%).
Shaǵyn kásipkerlikti nesıeleý 2020 jylǵy qarashada 0,3% -ǵa, 2 304,8 mlrd.teńgege deıin ósti (ekonomıkaǵa berilgen nesıelerdiń jalpy kóleminiń 15,7%). Salalyq bólýde ekonomıkaǵa banktik nesıelerdiń edáýir mólsheri ónerkásip (jalpy kólemdegi úles - 13,5%), saýda (11,6%), qurylys (4,7%) jáne kólik (3,4%) sııaqty salalarǵa keledi).
2020 jylǵy qarashada banktik emes zańdy tulǵalarǵa ulttyq valıýtada berilgen zaemdar boıynsha ortasha alynǵan syıaqy mólsherlemesi 11,9% (2019 jylǵy qarashada - 12,2%), jeke tulǵalarǵa - 14,9% (17,0%) qurady.